ఐక్య వేదిక జెండా పాట

ఐక్య వేదిక జెండా పాట

ప:-     ఎగురుతోంది ఎగురుతోంది ఐక్యవేదిక జెండా

    రెప రెప రెపరెప మంటూ నింగినేల నిండా||

అ.ప :    అందరమూ ఒకటవుదము అరమరికలు లేకుండా

    ఆ భావనె నింపుకొండనంటు గుండె నిండా .... ||ఎగు||



1)     ప్రజాస్వామ్య పరిరక్షణే ప్రథమ ధ్యేయమంటూ

    సమసమాజ నిర్మాణపు కలనిండుగ కంటూ

    కలలు నిజము చేసికొనగ కదలుదామురండంటూ

    కలిమి బలిమి కంతటికీ ఐక్యతయే మూలమంటు .... ||ఎగు||



2)     పెద్దలు నడచిన బాటనెనడచి చూపుదామన్నా

    భవ్య భారతికి మనమే బాటలు వేద్దామన్నా

    జనసామాన్యమునంతా మేలు కొలుపు దామన్నా

    మేలుకున్న జనులే యజమానులింక నిజమన్నా .... ||ఎగు||



3)     సత్యము ధర్మములన్నవె విత్తనాలు మనకంటా

    నీతి, న్యాయములన్నవి వాటి మొలకలేనంటా

    దేశభక్తే మనకందర కూపిరిగా నుండునంట

    ప్రజలందరు ఒకరికొకరు అన్నదమ్ము లేనంటా.... ||ఎగు||



4)     దేశ ప్రగతిబాటలోన జనులందరు నడవంగా

    రాశిపడిన సంపదతో దేశమంత నిండంగా

    నేను నాది అన్నమాట జనమంతా విడువంగా

    మనము మనది అన్నమాటే గుండెలన్ని నిండంగా .... ||ఎగు||

స.హ. ఐక్యవేదిక తృతీయ వార్షికోత్సవ విశేషాలు

స.హ. ఐక్యవేదిక తృతీయ వార్షికోత్సవ విశేషాలు

1)     పరవాలేదు బాగానే జరిగిందనిపించింది సభ. ఉద్యమ భవిష్యత్తు విషయంలో ఒకింత ఆశావహంగానూ అనిపించింది

    అదే సమయంలో, అన్ని జిల్లాల నుండి ముందుగా అనుకున్నంత సంఖ్యలో సభ్యులు (కార్యకర్తలు) రాకపోవడం ఒకింత అసంతృప్తినీ కలిగించింది.

2)     సభ 500 మందితో జరుపుకోవాలనుకున్నాము. 500 మందీ హాజరైనారుగానీ తూ.గో - దానినంటి ఉన్న జిల్లాల హాజరు ఎక్కువ ఉండడంతో అనుకున్న సంఖ్యకు చేరాము.

3)     అతికొద్ది సమయంలో వార్షికోత్సవ నిర్వహణ బాధ్యతను తలకెత్తుకున్న చేతనను ముందుగా అభినందించాలి. అలాగే, 30 ఏండ్ల యువకుడైన చేతన్‌కు తోడుగా జతకలిసి ఈ కార్యాన్ని గట్టెక్కించిన 80 ఏండ్ల యువకులైన కృష్ణమూర్తి రాజుగార్ని మరింతగా అభినందించాలి.

4)     కాకినాడ పట్టణ కమిటీ, రూరల్‌ కమిటీ ముఖ్యంగా సర్పవరం బృందం కలసికట్టుగా పూనుకోబట్టే ఇంత పనీ ఎటువంటి వడిదుడుకులు లేకుండా సజావుగా పూర్తయింది. ఆ బృందాన్నంతటినీ అభినందించడం పొగడ్త మాత్రం కాదు. వారందరినీ మిగిలిన జిల్లాలు స్ఫూర్తిగా తీసుకోవడం మేలు కలిగిస్తుంది.

5)     రాబోయే మహా సభనాటికి తూ.గో. జిల్లా ఐక్యవేదిక 10 వేల సభ్యత్వంతో ఉండాలని లక్ష్యంగా పెట్టుకున్నామని వారన్నారు. అదీ ఇతర జిల్లాలకు ఆదర్శంగా తీసుకోదగిన అంశంగానే ఉంది.

6)     సమావేశం అంత సజావుగా జరిగిపోవడానికి అనేక మంది ఆర్థికంగా చేయూతనిచ్చారు. అందులో అంబేద్కర్‌ భవనం వారిని ముందుగా చెప్పుకోవాలి. వారందరికీ వేదిక తరఫున కృతజ్ఞతలు తెలియజేస్తున్నాను.

7)     సమావేశం జయవంతం కావాలన్న ఆకాంక్షతో కూడిన అభినందన సందేశాన్ని పంపిన రాష్ట్ర ప్రధాన సమాచార కమీషనర్‌ జన్నత్‌ హుస్సేన్‌ గారికి అభివాద పూర్వకమైన ప్రత్యభినందనలు తెలుపుకుంటున్నాము.

8)     నేనూ ఒక కార్యకర్తనే అన్నంత ఉత్సాహంతోనూ, మీ తరపు మనిషినేనంటూను మాతో కలసి పోయిన సమాచార కమీషనర్‌ తాంతియా కుమారి గారిని ఒక పట్టాన మరచిపోవడం కష్టం. ఆమె మాలో ఒకరనే అనుభూతిని కలిగించగలిగారు మాకు. అదే బాగుందనిపిస్తోంది మాకున్నూ.

ఇక కార్యక్రమ విశేషాలు గమనించండి

1)     ముందుగా నిర్ణయించుకున్న ప్రకారం ఖచ్చితంగా 9 గంటలకు, ఐక్యవేదిక జండా ఎగురవేయడంతో వార్షికోత్సవ కార్యక్రమం ఆరంభమైంది.

2)     వేదిక రచించుకున్న జెండాపాటను సర్పవరం జిల్లా పరిషత్‌ సంగీతం టీచరుగారు - వారి విద్యార్థులు విద్యార్థినులతో రాగయుక్తంగా పాడి కార్యక్రమాలకు శుభారంభాన్ని, ఉత్సాహాన్ని కలిగించారు.

3)     గురజాడ వారి దేశమును ప్రేమించుమన్నా, మాతెనుగుతల్లికి, అన్న రెండు పాటలూ అభినయంతో కలిపి మొత్తం సభను అలరింపజేశారు వారే. వీటితో పాటు, కృ.మూ.రాజగారు రచించిన బ్రహ్మాస్త్రం - స.హ. చట్టం - నాటికనూ ప్రదర్శించారు. సభ మొత్తం మొత్తంగా ఉత్తేజాన్ని పొందింది. అందుకు కారకులైన ఎం.వి.సి.వి సత్యవతి గారినీ, పాడి, నటించిన పిల్లలను మన స్ఫూర్తిగా అభినందిస్తున్నాను.

4)     పుట్టా చౌదరి గారు వేదికపైకి ముఖ్యుల్ని పిలవడంతో సరిగా 10 గంటలకు సభ మొదలైంది. అధ్యక్ష స్థానంలో నేను కూర్చున్నాను  జంపా కృష్ణకిషోర్‌ గారు (ప్ర.కార్యదర్శి) మాట్లాడుతూ ఉద్యమమింకా చేవతేలలేదనిన్నీ, బుడిబుడి నడకల దశలోనే ఉందనిన్నీ చెపుతూ, అది ఆటుపోటులకు తట్టుకునే దశవరకు చాలా జాగ్రత్తగా వ్యవహరించాలనీ అన్నారు.

2)     అనంతరం వేణుగోపాలరెడ్డిగారు (ప్ర.కార్యదర్శి) ప్రజల పనులు మరోకరు - మనం - చేసిపెట్టడం అన్న రీతిమారాలి. జనం వారి పనులు వారే చేసుకోగలగాలి. మన పని అందుకవసరమైన అవగాహనను, కార్యకుశలతను, గుండె ధైర్యాన్ని మనం వారికి అలవరచాలి. అందుకు అవసరమైనంతమేర వారితో మనమూ కలిసి నడవాలి. అంటూ ఐక్యవేదిక మూల స్వభావాన్ని సభ ముందుంచారు.

అనంతరం, ఐక్యవేదిక భాగస్వామ్య సంస్థ అయిన జై భారత్‌ తరపున సత్యన్నారాయణ మాట్లాడుతూ, జై భారత్‌ అవినీతిపై పోరాడుతుందనీ, మత సామరస్యానికై కృషి చేస్తోందనీ అంటూ తమ సంస్థను పరిచయం చేసి, ఐక్యవేదికతో మా సంస్థకు భావసారూప్యత ఉండడంతో కలసి పనిచేయడానికి సిద్దమైనామని చెప్పారు. ప్రధాన కార్యదర్శి నివేదికను జంపా కృష్ణ కిషోర్‌ సభకు సమర్పించారు. అనంతరం జిల్లా నివేదికలూ జిల్లా బాధ్యుల ప్రసంగాలూ జరిగాయి. ప్రతిజిల్లా, ప్రతినిదీ తన ప్రసంగంలో ఈ సభనుండి ఒకింత ఉత్తేజం పొందామని, మరింత నిబద్దతతో భవిష్యత్కార్యక్రమాలను నిర్వహిస్తామనీ చెప్పారు. ఈ సందర్భంలో ఒక విషయాన్ని గుర్తు చేసుకోవాలి.

అదిలాబాద్‌ తూర్పు విభాగం ప్ర.కార్యదర్శి రాధాకృష్ణగారు పట్టుబట్టి ఒంటిరిగానే సుమారు 70 వేల రూపాయల వరకు జిల్లా నిధిని సమకూర్చారు. దాంతోపాటు స.మండలి పూర్వం చేసిన వాగ్దానం మేర దానికి మరో 25వేల రూపాయలు జమ చేసింది. మిగిలిన జిల్లాలు జిల్లా నిధి విషయంలో వారిని ఆదర్శంగా తీసుకుని  నిధిని సమకూర్చుకోవలసిందిగా విజ్ఞప్తి చేస్తున్నాను.

భవిష్యత్తు లక్ష్యాలు : ముసాయిదా!

2014 డిశంబరుతో సభ్యత్వాల కాలావధి ముగుస్తుంది. వాటిని తిరిగి నమోదు చేయించడం.  నూతన సభ్యత్వాలను రాబట్టడం చాలా ప్రధానమైన మరియు కీలకమైన పని అవుతోంది. ఇప్పటి వరకు సభ్యత్వాల చేర్పింపును నిదానంగా చేస్తూవచ్చాం. ఈ సం|| దీనికి ప్రాధాన్యత నిచ్చి ఎక్కువలో ఎక్కువ సభ్యులను చేర్చుకోవలసి ఉంది.

2)     గ్రామభ్యుదయ సంఘాలనూ, వార్డు కమిటీలను ఏర్పరచే వైపు దృష్టి సారించాలి. జిల్లాకు కనీసం 10 గ్రామాలనైనా లక్ష్యం చేసుకోవడం బాగుంటుంది.

3)     ఐక్యవేదిక ఉద్యమ బలం, సాఫల్యం రెండూ గ్రామాలకు, వార్డులకు ఎంతగా వెళ్ళగలిగాం, వేరూనుకో గలిగాం. అన్న దానిని బట్టే ఉంటుంది. ఈ పని ప్రాధాన్యతను గుర్తించకుంటే వేదిక ఇంకా సరిగా అర్థం కాలేదన్నట్లే.

4)     మహిళల భాగస్వామ్యానికై మాటలను దాటి చేతల ద్వారా గట్టి కృషి చేయాలి. రాష్ట్ర మహిళా విభాగాన్ని ఏర్పరచుకోవలసిన అవసరం ఉంది. జిల్లా మహిళా విభాగమున్ను ఏర్పడాలి.

5)     రాష్ట్ర ప్రచార విభాగం 10 మందితోనూ, జిల్లా ప్రచార విభాగం కనీసం 1 ప్రచారకునితోనూ మొత్తం 33తో ఏర్పరచుకుంటే బాగుంటుంది.

6)     2015లో జరుపుకునేది రాష్ట్ర మహాసభ అవుతుంది. రాష్ట్ర నూతన కార్యవర్గాన్ని ఎంచుకోవలసి ఉంది. నా అభిప్రాయం ప్రకారం ఇప్పుడున్న కమిటీ సలహామండలిగా రూపొంది, రెండో తరానికి ఉద్యమ సారధ్య బాధ్యతలనప్పగించడం అత్యంతావశ్యకం. ఇప్పటినుండే అందుకు తగిన వారిని గుర్తించి, ఒక ఆరు నెలల ముందునుండే వారికి తాత్కాలికంగా బాధ్యతలనప్పగించి నిర్వహణ సామర్థ్యాలను పెంపొందించాలి.

7)     కొత్త కమిటీల ఏర్పాటు నాటికి రాష్ట్ర నిధిగా కనీసం 10 లక్షలు, జిల్లానిధి లక్షకుపైగా 2 లక్షల వరకు ఉండేట్లు శ్రద్ద తీసుకోవాలి.

8)     మన ఉద్యమ ప్రధాన లక్ష్యమైన ప్రజాస్వామ్య పరిరక్షణ అన్నది - గ్రామ, వార్డు సభలు సక్రమంగా సమర్థవంతంగా జరుగుతుండడం అనన్న దగ్గరే ఉంది. కనుక ఆ వైపూ దృష్టి పెట్టాలనుకున్నాం.

9)     సాయంత్రం నాలుగ గంటల నుండి 6 గంటల వరకు స్థానికులలోని ముఖ్యులతోనూ, కాకినాడ పట్టణ, గ్రామీణ సంబంధ (రూరల్‌) కమిటీ ముఖ్యులతోనూ, వార్షికోత్సవ నిర్వహణ కమిటీల ముఖ్యులతోనూ అభినందన సభ జరిగింది. ఆ సమావేశంలో సమాచార కమీషనర్‌ శ్రీమతి తాంతియా కుమారిగారూ పాల్గొని తమ సందేశాన్నందించారు. సభ సఫల రూపంలో జరిగిందన్న తృప్తితో అందరికీ వందనాలు తెలుపుతూ చేతన్‌ సభను ముగించారు.

సమాచార హక్కు ప్రచార ఐక్యవేదిక ఉద్యమ సమాచారం

సమాచార హక్కు ప్రచార ఐక్యవేదిక రాష్ట్ర కార్యవర్గ సమావేశం 2013 మార్చి 16వ తేదీన కృష్ణాజిల్లా విజయవాడ, కానూరులోని నాగార్జున హాస్పటల్‌ కాన్ఫరెన్స్‌ హాల్‌ నందు శ్రీ పుట్టా సురేంద్రబాబు అధ్యక్షతన జరిగినది. ఈ సమావేశంలో డా|| వి.బ్రహ్మారెడ్డి, జంపా క్రిష్ణకిషోర్‌, తోటకూర కృష్ణమూర్తిరాజు, పి.వేణుగోపాల్‌రెడ్డి, కోట ప్రసాద శివరావు, చెర్కూరి వెంకట్రామయ్య, ఎం.మాధవి, ఎం. శ్రీనివాసరావు, యర్రంశెట్టి జగన్‌మోహన్‌రావు తదితరులు పాల్గొన్నారు.

సమావేశ నిర్ణయాలు.

1. జిల్లా బాధ్యుల నియామకం : రాష్ట్రంలోని 13 జిల్లాలకు సంబంధించిన నూతన బాధ్యులను ఎంపికచేసి ఆయా జిల్లాల బాధ్యతలను వారికి అప్పగించారు. అన్ని జిల్లాల్లో ఏప్రిల్‌ 15వ తేదీలోగా కమిటీల బాధ్యులను ఎంపికచేసుకోవాలి. అడ్‌హాక్‌ కమిటీలు ఏర్పరచినచో ఆయా కమిటీల బాధ్యులు నెలలోగా శాశ్వత కమిటీలను ఏర్పాటు చేసుకోవాలి.

2. అన్ని జిల్లాల పాత కమిటీలు రద్దు : ఇప్పటివరకు కొనసాగుతున్న పాత జిల్లా కమిటీలన్నీ మార్చి 31 నాటికి రద్దుచేయటం జరిగింది.

వివిధ జిల్లాలకు రాష్ట్ర కమిటీ తరపున బాధ్యులుగా ఉన్న వారి వివరాలు :

వ.నెం. జిల్లా బాధ్యుల పేర్లు

1. కృష్ణా, పశ్చిమ గోదావరి కోట ప్రసాద శివరావు తోటకూర కృష్ణమూర్తి రాజు

2. గుంటూరు, ప్రకాశం యర్రంశెట్టి జగన్‌మోహన్‌రావు ఎం. మాధవి

3. ఆదిలాబాద్‌ (ఈస్ట్‌ & వెస్ట్‌), పి. వేణుగోపాల్‌రెడ్డి

హైదరాబాద్‌ టౌన్‌, నెల్లూరు

4. నల్గొండ, రంగారెడ్డి పుట్టా సురేంద్రబాబు

5. ఖమ్మం చెర్కూరి వెంకట్రామయ్య

6. కర్నూలు, అనంతపురం డా|| వి. బ్రహ్మారెడ్డి

సమాచార హక్కు ప్రచార ఐక్యవేదిక రాష్ట్ర మహాసభ మే 4,5 తేదీలలో ప్రకాశం జిల్లా ఒంగోలులో జరపాలని నిర్ణయించటం జరిగింది. మే 4వ తేదీన అన్ని జిల్లా అధ్యక్ష, కార్యదర్శి, కోశాధికారులు మరియు ముఖ్య బాధ్యులతో నిర్మాణ విషయాలపై చర్చ జరుగుతుంది. మే 5వ తేదీన రాష్ట్ర మహాసభ ప్రతినిధుల సభ జరుగుతుంది.

సమాచార హక్కు ప్రచార ఐక్యవేదిక జిల్లా కమిటీ సమావేశాలు మరియు మండల కమిటీల నిర్మాణాలు వివిధ జిల్లాల్లో జరిగాయి. శాశ్వత కమిటీ నిర్మాణము జరగని చోట అడ్‌హాక్‌ కమిటీలు వెయ్యటం జరిగింది. జిల్లా శాశ్వత కమిటీ నిర్మాణమునకు ఆ జిల్లాలోని కనీసం రెండు రెవిన్యూ డివిజన్ల నుండి 5 మండలాల్లో శాశ్వత కమిటీలు ఏర్పడి ఉండాలి. జిల్లా కమిటీలో అధ్యకక్షుడు, కార్యదర్శి, కోశాధికారి ఉంటారు. ఆ జిల్లాల లోని ఒక్కొక్క మండలం నుండి ఒక్కొక్కరు జిల్లా కార్యవర్గ సభ్యులుగా ఉండే అవకాశం ఉంది. జిల్లా కమిటీల బాధ్యులు మరియు మండల కమిటీ బాధ్యులు తప్పనిసరిగా ప్రాథమిక శిక్షణ పూర్తిచేసుకొని ఉండాలి. అలా పూర్తిచేసుకోని వారు బాధ్యతలు తీసుకున్న 3 నెలల్లోగా ప్రాథమిక శిక్షణ పూర్తిచేసుకోవాలి. అలానే జిల్లా బాధ్యులు నెలలో కనీసము 4 రోజులు మండల పర్యటన తదితర కార్యక్రమాలు చూడటానికి వెచ్చించవలసి ఉంటుంది. మండల శాశ్వత కమిటీ ఏర్పడాలంటే ఆ మండలంలోని కనీసం మూడు గ్రామాల ప్రాతినిధ్యంతో 15 మందికి తక్కువ కాకుండా సభ్యత్వం పొంది ఉండాలి. అందులో ఒక మహిళా ప్రాతినిధ్యం ఉండితీరాలి. మండల బాధ్యులు నెలలో కనీసం రెండు రోజులు గ్రామాల పర్యటన, తదుపరి కార్యక్రమాలు చూడటానికి సమయం ఇవ్వగలవారై ఉండాలి. ఈ విధానంలో జిల్లాకమిటీలు ఏర్పాటుచేసుకున్న జిల్లాలు, ఆయా వివరాలు ఈ క్రింద ఇవ్వబడినవి.

జిల్లా తేది నిర్వహించిన వారు

1. ఆదిలాబాద్‌ (తూ) 17.3.2013 పి.వేణుగోపాలరెడ్డి, సిహెచ్‌. వెంకట్రామయ్య 2. రంగారెడ్డి 07.3.2013 పుట్టా సురేంద్రబాబు, రాజేంద్రప్రసాద్‌ (ఎంవిఎఫ్‌)

3. ప్రకాశం 23.3.2013 పుట్టా సురేంద్రబాబు, ముప్పనేని వెంకటేశ్వర్లు (లోక్‌సత్తా)

4. నల్గొండ 30.3.2013 పుట్టా సురేంద్రబాబు, సునీల్‌ (ఎంవిఎఫ్‌)

5. గుంటూరు 31.3.2013 జంపా క్రిష్ణకిషోర్‌, ఎం.మాధవి, టి.వి.భాస్కర్‌

6. పశ్చిమగోదావరి 31.3.2013 తోటకూర కృష్ణమూర్తిరాజు, కోటప్రసాద శివరావు

7. ఆదిలాబాద్‌ (ప) 30.3.2013 పి.వేణుగోపాలరెడ్డి, సిహెచ్‌. వెంకట్రామయ్య

గమనిక : సమాచార హక్కు ప్రచార ఐక్యవేదిక ప్రాథమిక శిక్షణా తరగతులు ఏప్రియల్‌ 6,7,8 తేదీలలో దోరకుంటలో జరుగుతాయి. దీనికి పైన పేర్కొన్న జిల్లా కమిటీల నుండి 30 మంది వరకు హాజరవుతున్నారు. ఔత్సాహికులు హాజరుకావాలనుకునే వారు ముందుగా తెలియపర్చగలరు.

స.హ.ప్రచార ఐక్యవేదిక రాష్ట్ర మహాసభల విశేషాలు

మే 4,5 తేదీలలో సమాచార హక్కు ప్రచార ఐక్యవేదిక రాష్ట్ర కార్యవర్గ సమావేశం మరియు రాష్ట్ర మహాసభ ఒంగోలులో జరిగాయి. 4వ తేదీన రాష్ట్ర కార్యవర్గ సమా వేశం స.హ.ప్ర.ఐక్యవేదిక ప్రకాశం జిల్లా కోశాధికారి తులసీ జిగీష గారి ఇంటివద్ద ఉదయం 10 గం.ల నుండి సా|| 6 గం.ల వరక జరిగింది. రాష్ట్ర అధ్యకక్షులు శ్రీ పుట్టా సురేంద్రబాబు అధ్యక్షత వహించిన ఈ సమావేశానికి ఆదిలాబాద్‌ (తూర్పు), ఆదిలాబాద్‌ (పశ్చిమ), కర్నూలు, ప్రకాశం, గుంటూరు, కృష్ణా, పశ్చిమగోదావరి, నల్గొండ, ఖమ్మం, అనంతపురం, విశాఖ జిల్లాల నుండి కార్యవర్గ సభ్యులు 30 మంది వరకు హాజరయ్యారు. 

5వ తేదీన రాష్ట్ర మహాసభ సంతపేట లోని ఆచార్య ఎన్‌.జి. రంగా భవన్‌లో జరిగింది. మహాసభ ప్రారంభానికి ముందు రాష్ట్ర ఉపాధ్యకక్షులు చెర్కూరి వెంకట్రామయ్య వేదిక జెండాను ఆవిష్కరించారు. సభకు రాష్ట్ర అధ్యకక్షులు శ్రీ పుట్టా సురేంద్రబాబు అధ్యక్షత వహించారు. సభలో రాష్ట్ర ఉపాధ్యకక్షులు డా|| వి.బ్రహ్మారెడ్డి, చెర్కూరి వెంకట్రామయ్య, పి. వేణుగోపాల్‌ రెడ్డి, ప్రధాన కార్యదర్శి జంపా క్రిష్ణ కిషోర్‌ గారలు  వేదికనలంకరించారు. ఈ సభలోనే జిల్లా జడ్జి రామ్‌గోపాల్‌ గారు కృష్ణాజిల్లాకు బదిలీ అయిన సందర్భముగా వారి సేవలను కొనియాడుతూ స.హ.ప్ర. ఐక్యవేదిక మరియు సెంటర్‌ ఫర్‌ గుడ్‌ గవర్నెన్స్‌ సంయుక్త నిర్వహణలో జరిగిన అభినందన సభలో వారికి జ్ఞాపికను బహూకరించటం జరిగింది. తనకు జరిగిన అభినందనలకు కృతజ్ఞతలు తెలుపుతూ జస్టీస్‌ రామ్‌గోపాల్‌ సమాజ పురోభివృద్ధిలో సమాచార హక్కు ప్రచార ఐక్యవేదిక చేస్తున్న కృషి బహు ప్రశంసనీయమని, రాష్ట్ర వ్యాప్తంగా ఇంతమంది సమక్షంలో తనకు అభినందనలు తెలిపినందులకు సంతోషాన్ని తెలియజేశారు.

మహాసభలో ప్రధాన వక్తగా డా|| వి.బ్రహ్మారెడ్డిగారు తన ప్రసంగంలో గత మూడున్నర సంవత్సరాల నుండి ఏం చేయాలనుకున్నాము, ఏమి చేశాము? ఏమి చేస్తే బాగుంటుందన్న దానిపై విశ్లేషణ చేశారు. తన 40 సంవత్సరాల ప్రజా ఉద్యమ జీవితంలో ప్రజల్లో కలసి పనిచేసిన అనుభవాలను ప్రతినిధులతో పంచుకున్నారు. అందులో భాగంగానే తన జీవితానుభవాలను, మీ జీవితాలకు వర్తింపజేసుకుంటూ, సమాజ అభ్యున్నతికి ఎలా ఉపయోగపడతాయో? ఎలా ఉపయోగించుకోవాలో చూడమన్నారు. ఉమ్మడి సమస్యలైన ఆరోగ్యం, అక్షరాస్యత, ఉపాధి, రక్షణ, వ్యవసాయం లాంటి సమస్యలు చాలా వున్నాయని, సమస్యలు లేకుంటే బాగుండునని ప్రతివారు కోరుకొంటుంటారు. కాని ఏం చేస్తే సమస్యలు పరిష్కారమవుతాయనుకునే వారి సంఖ్య చాలా స్వల్పంగా ఉందని అన్నారు. అంతేగాక సమస్యలను పరిష్కరించే దగ్గరకు వచ్చేసరికి ఎవరికి వారుగా తమదైన శైలిలో ప్రణాళికలు ఏర్పాటు చేసుకోవటం, అవి సక్రమంగా అమలు జరగకపోవటం, అందుకు పరిస్థితులు అనుకూలించక పోవటమే గాక, వారి ఇష్టాఇష్టాలకు ప్రాధాన్యతనియ్యటం అనేవి కూడా కారణాలుగా ఉన్నాయన్నారు.

మనం చేసే పనుల్లో చాలా జయాలు, అపజయాలు ఉంటాయి. అపజయాలను పరిశీలించిన యెడల భవిష్యత్తులో అపజయాలకు కారణమైన పనులు తిరిగి చేయకుండా ఉండే అవకాశాలుంటాయని, మన అపజయాలను అతిగమించి మరింత ఎత్తుకు ఎదుగుటకు ఆస్కారం ఉంటుందని అన్నారు. తాను గతంలో ఎక్కువ మందికి తరగతులు నిర్వహించుట నిర్వాహకులకు, తనకు కూడా గొప్పేనని అనుకున్నామని. కాని అనుభవములో  వీలైనంత తక్కువ మందితో మమేకమై వారిమీద శ్రద్ధపెడితే ఫలితాలు వస్తాయనేది గమనించానని అన్నారు. మేము చేసిన ఆ తప్పును మీరు చేయవద్దని హెచ్చరించారు. అలాగే వక్త తాను చెప్పదలచిన విషయం మీద తగిన ప్రణాళికతో ముందుగా నోట్స్‌ తయారుచేసుకొని దానిని అర్థమయ్యే విధంగా కార్యకర్తలకు వివరించాలని అన్నారు. అంతేగాక తమకు అర్థంకాని విషయాలను శ్రోతలు వెంటనే వక్తను అడిగి తెల్సుకోవాలని అన్నారు. ఆ వక్త కూడా అడిగిన దానికి అప్పుడే వివరించాలన్నారు. లేనియెడల అడుగుదామనుకున్న విషయాన్ని శ్రోత, చెప్పవలసిన వక్త కూడా మర్చిపోయే అవకాశం ఉందన్నారు. వక్త ప్రసంగంలో ఒక్క పదము అర్థం కాకపోయినా మిగతా విషయం అర్థం కాదన్నారు.

సమీక్షా సమావేశం అనగా మనం ఏమనుకున్నాం, ఏం చేశాము, ఇంకా ఏం చేయాలనే విషయాల మీద విశ్లేషణే అని అన్నారు. కార్యకర్త ముందుగా మనం చేద్దామనుకున్న పనిమీద ఇష్టం కలిగి ఉంటే ఫలితాలు బాగుంటాయని, కార్యకర్తలను తయారు చేసుకోవటంలో క్లాసులో ఎక్కువమందిని కాక, వీలయినంత తక్కువ మందితో మాత్రమే నిర్వహిస్తే మంచి ఫలితాలు వస్తాయని అన్నారు. సమాజంలో సమస్యలు పరిష్కారం కాకపోవుటకు ముఖ్య కారణం సమస్యలున్న వారు కదలకుండా, ఆ సమస్యలు లేనివాళ్ళు సమస్యలు వున్నవారికి బదులు ఆ సమస్య పరిష్కారం కొరకు కదలటమే నన్నారు. కార్యకర్తలు నూతనంగా వచ్చిన సాంకేతిక పరిజ్ఞానాన్ని వినియోగించుకొని తక్కువ శ్రమతో ఎక్కువ ఫలితాలు సాధించుతూ తమ సమస్యలు పరిష్కరించుకోవాలని ఆయన అన్నారు. ఉద్యమ నిర్మాణం చేయాలంటే తాము ముందు నిబద్దత కలిగి ఉండాలని అన్నారు. ఆ నిబద్దత మూడు విషయాల్లో ఉంటుందంటూ 1. సమయపాలనను పాటించుట, 2. అన్నమాటకు కట్టుబడి ఉండుట, 3. చేస్తానన్న పనిని మనసుపెట్టిచేయటమేనని అన్నారు. సమాజాభివృద్ధికి ఎవరికి వారు తమవంతు సమయం, ఆర్థికం ఇచ్చుటకు సిద్ధపడాలని, తెలియక చేసిన తప్పులకు, తప్పులు చేసిన వారికి మరలా మరలా తెలియజెప్పటమొక్కటే మార్గం అని అన్నారు. కావాలని తప్పులు చేసే వారిని మాత్రం వదిలించుకోవటమే మంచిదని అన్నారు.

ఆయన ప్రసంగం అక్షరసత్యాలన్నంతగా వున్నాయి. ఆ ప్రేరణతోనే వివిధ జిల్లాల బాధ్యులు తమ ప్రసంగంలో తమ జయ, అపజయాల అనుభవాలను చెప్పుతూ, ఆ అనుభవాలు క్రొత్తవారు ఎలా వుపయోగించుకోవాలో తెలియజేస్తూ మాట్లాడుట నిజంగా సంస్థ ఆరోగ్యంగా, బలంగా ముందుకు సాగుతుందన్న దానికి నాందిగా నిలచాయి.

ప్రధాన కార్యదర్శి గడచిన మూడున్నర సంవత్సరాలలో చేసిన కార్యక్రమాలను, నిర్మాణం తదితర అంశాలను వివరించారు. 300 మంది ప్రతినిధులు హాజరైన మహాసభలో స్వార్థ, వ్యాపార రాజకీయాలను, సేవా రాజకీయాలుగా మార్చడానికి, తద్వారా అవినీతి తక్కువగా వున్న సమాజం ఏర్పడటానికి అవసరమైన 73, 74 సవరణ చట్టం సక్రమంగా అమలుచేసుకునేలా ప్రజలను చైతన్యవంతులు చేయాలన్నారు,  నిర్మాణానికి సంబంధించి ఇప్పటి వరకు వున్న సభ్యులు, మండల, జిల్లా కమిటీలు, ఏ విధంగా వున్నాయో వివరిస్తూ రాబోయే నాలుగు నెలల కాలానికి ప్రణాళికను సూచించటం జరిగింది.

నేటివరకు సభ్యులుగా 1476 మంది వున్నారని. రాబోవు 4 నెలల్లో 1384 మందిని నూతనంగా చేర్పించి 2860 మందిని ఉద్యమంలో భాగస్వాములుగా చేద్దామని అన్నారు. అలాగే ఇప్పటి వరకు 33 మండలాల్లో పూర్తిస్థాయి మండల కమిటీలు ఏర్పడ్డాయని, రాబోవు నాలుగు నెలల్లో మరో వంద మండల కమిటీలను పూర్తిస్థాయిలో ఏర్పరచాలని అన్నారు. రాబోయే నాలుగు నెలల కాలంలో 30 కళాశాలల్లో సమావేశాలు ఏర్పాటు చేయాలని, 79 గ్రామ సభలు నిర్వహించాలని తెలిపారు. ఇప్పటివరకు 500 మందికి పైగా శిక్షణనిచ్చామని, రాబోవు నాలుగు నెలల్లో మరో 200 మందికి శిక్షణనివ్వాలని తెలిపారు. ఉద్యమాభివృద్ధికి కార్యకర్తలను మరియు ప్రజలను చైతన్యపర్చటానికి ఇప్పటివరకు 5 రకాల పుస్తకాలను, 48750 కాపీలను ముద్రించటం జరిగిందన్నారు. 

రాబోవు నాలుగు నెలల్లో జిల్లాల్లో పూర్తిచేయగలమని ప్రకటించిన వివిధ లక్ష్యాల వివరాలు

   జిల్లా సభ్యత్వం  కమిటీలు వేసే  కళాశాలల్లో  శిక్షణకు  గ్రామ సభల
కోటా మండలాలు సమావేశాలు పంపేవారు నిర్వహణ

1. అనంతపురం 250 7 2 8 4
2. కర్నూలు 400 12 2 10 4
3. కృష్ణా 400 12 2 47 4
4. ప్రకాశం 350 13 2 20 -
5. గుంటూరు 100 22 2 15 -
6. పశ్చిమ గోదావరి 400 21 4 30 15
7. ఆదిలాబాద్‌ తూర్పు 400 8 5 15 2
8. ఆదిలాబాద్‌ పశ్చిమ 300 15 4 30 20
9. నల్గొండ 200 15 2 15 5
10. విశాఖ 60 8 5 10 25

రాష్ట్ర ఉపాధ్యకక్షులు పి.వేణుగోపాల్‌రెడ్డి గారు మాట్లాడుతూ కమిటీ నిర్మాణాల గురించి సవిస్తరంగా వివరించారు. ఆ వివరాలు ఇలా వున్నాయి.

నిర్మాణం : మండల కమిటీలో కనీసం 3 గ్రామాల ప్రాతినిధ్యం, ఒక మహిళతో సహా 15 మంది తగ్గకుండా సభ్యులుండాలని, అందులో ఒక అధ్యకక్షులు, ఇద్దరు వరకు ఉపాధ్యకక్షులు, ఒక ప్రధాన కార్యదర్శి, ఇద్దరు వరకు కార్యదర్శులు, ఒక కోశాధికారి మరియు ప్రతి గ్రామం నుండి ఒకరు కార్యవర్గంలో వుండేలా చూడాలని. ప్రతి మండల కార్యదర్శి వర్గం (ఆఫీసు బేరర్లు) నెలకు ఒకసారి సమావేశం జరపాలి. కార్యవర్గ సమావేశం 2 నెలలకు ఒకసారి జరపాలి. జిల్లా వార్షిక సమావేశం (ప్లీనం) ప్రతి సంవత్సరం జరపాలి. మహాసభ 2 సంవత్సరాల కొకసారి జరపాలి.

జిల్లా కమిటీలో కనీసం 5 పూర్తి స్థాయి మండల కమిటీలు, రెండు రెవిన్యూ డివిజన్ల నుండి మరియు కనీసం ఇద్దరు మహిళలు ఉండాలని, వారిలో ఒక అధ్యకక్షులు, నలుగురు వరకు ఉపాధ్యకక్షులు, ఒక ప్రధాన కార్యదర్శి, నలుగురు వరకు కార్యదర్శులు, ఒక కోశాధికారి మరియు ప్రతి పూర్తి స్థాయి మండల కమిటీ నుండి అధ్యక్ష, ప్రధాన కార్యదర్శి, కోశాధికార్లు మరియు అడ్‌హాక్‌ కమిటీల కన్వీనర్‌, కో కన్వీనర్లు జిల్లా కార్యవర్గంలో సభ్యులుగా వుంటారు. ప్రతి జిల్లా కార్యదర్శి వర్గం (ఆఫీసు బేరర్లు) 2 నెలలకు ఒకసారి సమావేశం జరపాలి. కార్యవర్గ సమావేశం 4 నెలలకు ఒకసారి జరపాలి. రాష్ట్ర వార్షిక సమావేశం (ప్లీనం) ప్రతి సంవత్సరం జరపాలి. మహాసభ 2 సంవత్సరాల కొకసారి జరపాలి.

రాష్ట్ర కమిటీలో కనీసం ముగ్గురు మహిళలు ఉండాలని, ఒక అధ్యకక్షులు, ఐదుగురు వరకు ఉపాధ్యకక్షులు, ఒక ప్రధాన కార్యదర్శి, (అవసరమనుకొంటే ఉద్యమ అవసరాన్ని బట్టి మరొక ప్రధాన కార్యదర్శిని కూడా ఎన్నుకొనవచ్చు) ఐదుగురు వరకు కార్యదర్శులు, ఒక కోశాధికారి మరియు ప్రతి పూర్తిస్థాయి జిల్లాకమిటీ అధ్యక్ష, ప్రధాన కార్యదర్శి, కోశాధికార్లు మరియు అడ్‌హాక్‌ కమిటీల కన్వీనర్‌, కో కన్వీనర్లు రాష్ట్ర కార్యవర్గంలో సభ్యులుగా వుంటారు. రాష్ట్ర కార్యదర్శి వర్గం (ఆఫీసు బేరర్లు) 2 నెలలకు ఒకసారి సమావేశం జరపాలి. కార్యవర్గ సమావేశం 4 నెలలకు ఒకసారి జరపాలి.

వివిధ కమిటీలలోని సభ్యులందరూ విధిగా శిక్షణ పొందియుండాలి. లేకుంటే మూడు నెలల కాలంలో శిక్షణ పొందాలి. మండల స్థాయిలో కనీసం 2 రోజులు సమయాన్ని, జిల్లా స్థాయిలో 4 రోజుల సమయాన్ని, రాష్ట్ర స్థాయిలో 10 రోజుల సమయాన్ని  కార్యదర్శివర్గ సభ్యులు తప్పని సరిగా ఉద్యమం కొరకు కేటాయించాలి.
ఈ నిర్మాణమును వివరించుటతో పాటు ప్రసంగించిన వివిధ జిల్లాల బాధ్యులకు సమన్వయ కర్తగా వ్యవహరించడంలో మంచి గతకాల అనుభవజ్ఞులన్న విషయాన్ని చెప్పకనే సభకు తెలియపర్చారు.

సమాచార హక్కు ప్రచార ఐక్యవేదిక రాష్ట్ర అధ్యకక్షులు పుట్టా సురేంద్రబాబు గారు మాట్లాడుతూ.. ఉద్యమకారుడుకి, సామాన్యుడికీ ఉన్న తేడాను, కార్యకర్త అంటే స్వతంత్రః కర్త అని, అంటే తనే నిర్ణయము తీసుకొని అమలుచేయగల వారినే కార్యకర్తలనాలని, అలానే స్వేచ్చా స్వాతంత్య్రములకు గల తేడాలను వివరించారు. స్వేచ్చ అంటే నిర్ణయము తనదైతే స్వేచ్చ గలవాడని, తన నిర్ణయాన్ని అమలుపరచుకొనే అవకాశం గలవాడే స్వతంత్రుడవుతాడని వివరించారు. జీవితమంటే ఇచ్ఛా, జ్ఞాన, క్రియా శక్తుల సమాహారమేనన్నారు. ఉద్యమ నిర్మాణానికి సంబంధించిన కొన్ని అంశాలను సభలోని ప్రతివారూ నోట్‌ చేసుకోవడం గమనిస్తే, ఆ సభ కూడా శిక్షణాలయముగా తలపిస్తుందని అనక తప్పదు. కొన్ని నినాదాలు చేస్తూ ''సత్యాన్ని గమనించు, అంగీకరించు, స్వీకరించు, ఆచరించు'' అంటూ ఉద్యమకారుల విషయంలో ''వెదుకు, గమనించు, సమీకరించు, సంఘటిత పరుచు, పోరాడు'' అంటూ కలసిపోదాం, కలుపుకు పోదాం, చేయందిద్దాం, చేయందుకున్నామన్నారు. సభ్యత్వము గల ప్రతి ఒక్కరూ తమలాంటి వారిని మూడునెలలకు ఒకరిని చేర్పించినా ఆ ఉద్యమము మహోద్యమము అవుతుందన్నారు. అలానే భవిష్యత్తు కార్యాచరణను గురించి వివరించారు. ఆ వివరాలివిగో...

భవిష్యత్‌ కర్తవ్యాలు :

మండల స్థాయిలో సభ్యత్వాన్ని, నూతన మండల కమిటీలను, కళాశాల సమావేశాలను, శిక్షణ పొందగోరు వారిని, గ్రామ సభలు నిర్వహించుట గురించి కూడా నిర్ణయం తీసుకోవటం జరిగింది.

రాష్ట్రంలో ప్రతి గ్రామం నుండి కనీసం ఒక దరఖాస్తును, ప్రతి రెండు నెలలకు పెట్టాలని, ప్రతి మండలంలో కనీసం 10 కార్యాలయాల్లో దరఖాస్తులు పెట్టాలని, జిల్లా స్థాయిలో 40 కార్యాలయాల్లో దరఖాస్తులు పెట్టాలని నిర్ణయించటం జరిగింది.

ముఖ్యంగా 4(1)బి ని అడిగి తెలుసుకొని లేని కార్యాలయాల్లో 4(1)బి ని పెట్టాలని కోరుతూ ధరఖాస్తును పెట్టాలి.

ఈ మహాసభలో కొంతమంది తీర్మానాలు ప్రవేశపెట్టడం జరిగింది. చర్చల అనంతరం వాటిని మహాసభ ఆమోదించటం జరిగింది. తీర్మానాలను ప్రవేశపెట్టిన వారు...

1. జంపా క్రిష్ణకిషోర్‌, ప్రధాన కార్యదర్శి, 2. బి.శ్రీనివాసరావు, ఏలూరు,                3. ఎ.హొన్నూరప్ప, అనంతపురం, 4. కె.రామచంద్రరావు, పశ్చిమ గోదావరి జిల్లా అధ్యకక్షుడు, 5. పి.సత్యనారాయణ, కృష్ణాజిల్లా కోశాధికారి, 6. నటుకుల శ్రీనివాసరావు, ప్రకాశం జిల్లా ప్రధాన కార్యదర్శి, 7. ఆట్ల బాలాజీరెడ్డి, గుంటూరు జిల్లా కో కన్వీనర్‌.

మహాసభలో ప్రవేశ పెట్టిన తీర్మానాలు :

ఓ కమీషనర్ల వికేంద్రీకరణ జరిపి ప్రతి 2,3 జిల్లాలకు ఒక కమీషనర్‌ అందుబాటులో ఉండే విధంగా చూడాలని,
ఓ అప్పిలేట్‌ అధికారుల వివరాలను తెలియజేసే బోర్డుల మీద విధిగా రెండవ అప్పీలేట్‌ అధికారియైన సమాచార కమీషనర్ల పేర్లను కూడా ప్రాంతీయ భాషలలో రాయించాలని అన్నారు. అలాగే చాలా కార్యాలయాల్లో అధికారులు బదిలీలలో వెళ్ళినప్పుడు క్రొత్తగా వచ్చిన అధికారుల పేర్లను వెంటనే మార్చాలని, అసలు ఈ బోర్డులు లేనిచోట్ల వెంటనే ఏర్పాటు చేయాలని.

ఓ పౌర సమాచార అధికారులకు విధిగా శిక్షణను ఇప్పించాలని.
ఓ సెక్షన్‌ 4(1)బి ని సక్రమంగా అమలు చేయాలని.
ఓ స.హ. చట్టం మీద పనిచేసే కార్యకర్తలపై జరుగుతున్న దాడులమీద ప్రభుత్వం స్పందించి అందుకు కారకులైనవారిపైన కఠినచర్యలు తీసుకోవాలని, మరణం సంభవించిన కార్యకర్తల కుటుంబాలకు నష్టపరిహారం మరియు కుటుంబంలో ఒకరికి ఉద్యోగం కల్పించాలని.
ఓ అన్ని ప్రభుత్వ కార్యాలయాలు, ప్రభుత్వ రంగ మరియు ఎయిడెడ్‌ విద్యా సంస్థలలో కూడా ఈ 4(1)బి ని అమలు చేయాలని.
ఓ స్థానిక సంస్థలకు రావలసిన అధికారాలు, నిధులు సక్రమంగా బదలాయింపు జరపాలని అందుకోసం రానున్న స్థానిక సంస్థల ఎన్నికల సందర్భంగా ప్రజలచేత అందుకు వత్తిడి చేయించాలని.
ఓ ప్రజలు తమ యజమానితనాన్ని ప్రదర్శించేందుకు తీసుకురాబడిన స.హ.చట్టం-2005 ప్రజలకు సులభంగా అర్ధమయ్యేలా అవగాహనా కార్యక్రమాలు చేపట్టేందుకు, ఆ విషయమై పుస్తకాలు ముద్రించేందుకు, ఉచితంగా పంపిణీ చేసేందుకు, ప్రజలలో ప్రచారం చేసేందుకు ప్రభుత్వం కృషిచేయాలని.
ఓ రాష్ట్ర ప్రభుత్వం కొన్ని మంత్రిత్వ శాఖలకు సంబంధించి రాజకీయ నాయకులను అధిపతులుగా నియమించి గ్రామ సభలను ఏర్పాటుచేస్తున్నది. వాటిలో సమాచార కమీషనర్లను మరియు స.హ.ప్రచార ఐక్యవేదిక నుండి కూడా నామినేటెడ్‌ సభ్యులుగా తీసుకోవాలి.

ఓ స్థానికంగా ప్రభుత్వాధికారులు నిర్వహించే సభలు, సమావేశాలకు ఐక్యవేదిక బాధ్యులను కూడా ఆహ్వానించాలని తీర్మానం చేశారు.

ఈ మహాసభలో నూతన కమిటీగా ఈ క్రిందివారిని ఏకగ్రీవంగా ఎన్నుకోవటం జరిగింది.

గౌరవాధ్యకక్షులుగా : డా||వి.బ్రహ్మారెడ్డి,

అధ్యక్షులుగా : పుట్టా సురేంద్రబాబు,

ఉపాధ్యకక్షులుగా : తోటకూర కృష్ణమూర్తి రాజు, ఎ. లోకనాధ్‌,

ప్రధాన కార్యదర్శులుగా : జంపా క్రిష్ణకిషోర్‌, పి.వేణుగోపాల్‌రెడ్డి,

కార్యదర్శులుగా : కోట ప్రసాదశివరావు, ఎ. రాజన్న, షేక్‌ అబ్దుల్‌ రహీం,

కోశాధికారిగా : ఎం. మాధవి

మరియు 30 మందితో కార్యవర్గాన్ని ఎన్నుకోవటం జరిగింది.

సమాచార హక్కు ప్రచార ఐక్యవేదిక కొంతమంది వదాన్యులను, సహాయ సహకారములు అందించిన వారిని గుర్తించి వారికి జ్ఞాపికలు అందజేసింది. వారు..

1. పుట్టా రామకృష్ణ, హైదరాబాద్‌, 2. ఎం. విజయలక్ష్మి, సత్యాన్వేషణ మండలి, 3. డా|| వి.బ్రహ్మారెడ్డి, జన విజ్ఞాన వేదిక అధ్యకక్షులు, 4. డా|| నాగేశ్వరరావు, ఒంగోలు, 5. ఎ.లోక్‌నాథ్‌, ప్రధాన కార్యదర్శి, జైభారత్‌, 6. డి. సాంబశివరావు, ఫ్రండ్స్‌ షూ కంపెనీ అధినేత, 7. పి.మోషే, సత్యాన్వేషణ మండలి, అధ్యకక్షులు, 8. ఎం. శ్రీనివాసరావు, సమాచార హక్కు ప్రచార ఐక్యవేదిక ప్రకాశం జిల్లా అధ్యకక్షులు, 9. తులసీ జిగీష, స.హ.ప్ర.ఐక్యవేదిక ఒంగోలు జిల్లా కోశాధికారి తదితరులకు జ్ఞాపికలు అందజేయడంతో మహాసభ ముగిసింది.                      

 రిపోర్టు : కోట ప్రసాదశివరావు

స.హ.చట్టానికి సంబంధించిన న్యాయస్థానాల, తీర్పులు, వ్యాఖ్యానాలు.

1. రాష్ట్ర ప్రభుత్వానికీ సీల్డ్‌ కవర్లలో ఐఎఎస్‌ అధికారులు సమర్పించిన ఆస్తుల వివరాలను స.హ.దరఖాస్తు దారు తనిఖీచేయవచ్చు. - తమిళనాడు హైకోర్టు తీర్పు.

2. జరిమానా విధించబడిన ప్రజా సమాచార అధికారి వ్యక్తిగత హోదాలో మాత్రమే హైకోర్టుకు రావాలి. ఆయన తరపున రాష్ట్ర ప్రభుత్వము అప్పీలు చేయరాదు. - పంజాబు, హర్యానా హైకోర్టు తీర్పు.

ఐక్యవేదిక ఉద్యమ సమాచారం

ఉద్యమ మిత్రులారా !, స.హ.కార్యకర్తలారా !

ముందనుకున్న ప్రకారం మే 5,6 తేదీల సమావేశాలు హైదరాబాద్‌ చింతల్‌బస్తీలోని జనవిజ్ఞాన వేదిక కార్యాలయములో జరిగాయి. సంక్షిప్తంగా ఆ వివరాలిలా వున్నాయి.

5వ తేదీన కోర్‌ కమిటీ సమావేశం జరిగింది. సమావేశానికి డా.బ్రహ్మారెడ్డి, రామకృష్ణరాజు, వేణుగోపాలరెడ్డి, వెంకట్రామయ్య, కృష్ణమూర్తిరాజు, రాజేంద్రప్రసాద్‌, లోకనాథ్‌, సత్యనారాయణ, నటుకుల శ్రీనివాస్‌, జంపా క్రిష్ణకిషోర్‌, సురేంద్ర, కోట ప్రసాదు గార్లు హాజరయినారు.

స్థానిక సంస్థల బలోపేతానికి రాజ్యంగంలోని 243 వ అధికరణకు సవరణలు

ఎ.ఎన్‌.పి.సిన్హా, ఐ.ఎ.ఎస్‌ భారత ప్రభుత్వం

కార్యదర్శి, ఫోను : 011-23074309 పంచాయతిరాజ్‌ మంత్రిత్వ శాఖ

భారతప్రభుత్వ కార్యదర్శి కృషిభవన్‌, కొత్తఢిల్లీ- 110 001.

రి.నెం. 11011/3/2009 పి.&సి (ఎ.ఆర్‌)

విషయం : స్థానికసంస్థల బలోపేతానికి, రాజ్యాంగంలోని 243వ అధికరణకు సవరణలు.

1. 73వ రాజ్యాంగ సవరణ స్థానిక సంస్థలకు ఒక స్థిరత్వాన్ని, రాజ్యాంగ హోదాను కల్పించినప్పటికీ, దానిలోని కొన్ని లోపాలు వాటి సమర్ధతను తగ్గించాయి. 1989 మేలో రాజ్యాంగసవరణ బిల్లును ప్రతిపాదించడం వెనుక తన లక్ష్యాలేమిటో అప్పటి ప్రధానమంత్రి తన ప్రసంగం ఆఖరున చక్కగా వ్యక్తం చేశారు. ''భారతదేశ ప్రజలకు, గరిష్ట స్థాయిలో ప్రజాస్వామ్యపు అమలుకు హామీనిస్తూ అధిక మొత్తంలో అధికారాల బదిలీ జరిగేటట్లు చూద్దాం. రాజకీయదళారీలకు పాలనలో స్థానం లేకుండా చేద్దాం. ప్రజలకే అధికారం ఇద్దాం''.

సంపాదకీయం : లక్ష్యాలు, ఉద్దేశ్యాలకు - సంబంధించిన తీర్మానం :

యోచనాశీలత మాత్రమే కాక, సమాజహితకాంక్ష కల వారందరికీ వివేకపథం ఉద్యమాభినందనలు తెలుపుతోంది. కొన్ని సాంకేతిక కారణాలవల్ల పత్రిక ప్రచురణ రెండు మాసాలు వాయిదాపడింది. ఆలోటును పూడ్చుతూ, దేశమంతా నిరంతరం మననం చేసుకోవలసిన ఎంతో విలువైన భావజాలంతో ఇదిగో మళ్ళీ విూచేతిలో ఉంది పత్రిక. శ్రద్దతో మనస్సుపెట్టి ఈదేశసంక్షేమంకోసం తపించిన వెనకటి వారి హృదయాన్ని అందుకునేందుకు సిద్దపడండి.

   1. If you want to destroy a nation destroy its history first"  అది వలసపాలకుల తెలివైన సూత్రీకరణ. ఒకజాతిని (దేశాన్ని), నాశనం చేయాలంటే ముందుగా ఆ దేశచరిత్రను నాశనం చెయ్యాలి. అది ఆ దేశప్రజల్ని చరిత్రహీనుల్ని చేయడమన్నమాట.

2. ''పురోభివృద్దిని కోరువారు పూర్వవృత్తాంతమును మరువరాదు'' ప్రతివ్యక్తీ నిరంతరం గుర్తుంచుకోతగినంత విలువగల తాత్వికసూత్రీకరణ ఇది.

సమాచారహక్కు ప్రచార ఐక్యవేదిక ఉద్యమ సమాచారం

జూలై 22, 23, 24 తేదీలలో ద్వారకుంటలో 6 జిల్లాలకు సంబంధించిన కీలక సమావేశం జరిగింది. ప్రధాన విచారణీయాంశంగా, రాబోయే 6 నెలల లోపు అంటే జనవరి 30, 31-2012 నాటికి సమాచారహక్కు ప్రచార ఐక్యవేదిక కార్యాచరణలో భాగంగా ఏమేమి పనులు పూర్తిచేయాలి? అందుకు కావలసిన సాధన సామగ్రి ఏమిటి?  మొదలగు వాటిని తీసుకున్నాం.

స.హా ప్రచార ఐక్య వేదిక రాష్ట్ర మహాసభ - సంగ్రహ సమీక్ష

యోచనాశీలురైన ఐక్యవేదిక ఉద్యమ మిత్రులారా ! కార్యకర్తలారా ;

ప్రణాళికాబద్దమైన నడవడి కలిగిన వ్యక్తులుగానీ, సంస్థలు గానీ, ఆయా ప్రత్యేక కార్యక్రమాలు జరుపుతున్నప్పుడు కార్యక్రమాలనంతరం ముఖ్యులంతా కూడి జరిగిన దానిపై సమీక్ష జరుపుకుంటుంటారు. ప్రస్తుతం వివిధ కార్యక్రమాలు నిర్వహిస్తున్న సంస్థలు, సమీక్షలు జరుపుకుంటున్నాయి గానీ, అవన్నీ దాదాపు నామమాత్రంగానే ఉంటున్నాయి. సమీక్షా సమావేశం ఒక మొక్కుబడిగా మారి, యాంత్రికంగా తయారైంది. నిజానికి సమీక్షయొక్క లక్ష్యం జరిగినదాన్నంతా నిశితంగా పరిశీలించడమే.

రాజ్యాంగపు ముసాయిదా పూర్తి చేసినప్పుడు 25-11-1949 న డా.బి.ఆర్‌. అంబేద్కరు ఇచ్చిన ఉపన్యాసం

ఆర్యా! రాజ్యాంగ సభ పనిని వెనక్కి వెళ్ళి చూస్తే, అది మొదటిసారి సమావేశమయిన 9 డిశంబరు 1946 నుండి ఇప్పటికి 2 సంవత్సరాల 11 నెలల 17 రోజులయ్యాయి. ఈ కాలంలో రాజ్యాంగ సభ మొత్తం విూద 11 సమావేశాలు నిర్వహించింది. ఈ 11 సమావేశాల్లో, మొదటి 6 సమావేశాలు ''లక్ష్యాల'' పై తీర్మానం చేయడానికి, ప్రాథమిక హక్కులపై కమిటీ ఇచ్చిన నివేదికను పరిశీలించడానికి, కేంద్ర రాజ్యాంగమూ, దాని అధికారాలూ, రాష్ట్రాల రాజ్యాంగమూ, మైనార్టీలు, షెడ్యూల్డు, ఏరియాలు, షెడ్యూల్డు తెగలు పై తీర్మానాలు చేయడానికి వినియోగమయ్యాయి. 7 నుండి 11వ సమావేశాలు వరకు రాజ్యాంగ ముసాయిదాను పరిశీలించడానికి వినియోగింపబడ్డాయి. రాజ్యాంగ సభ ఈ 11 సమావేశాలకు 165 రోజులు వాడుకొంది. వీటిలో సభ రాజ్యాంగ ముసాయిదా పరిశీలనకు 114 రోజులు ఉపయోగించింది.

డా|| బి.ఆర్‌.అంబేద్కరు చారిత్రాత్మక ఉపన్యాసములు

ప్రజా ప్రయోజనాల దృష్టితో ఈ వ్యాసాలను యధేచ్ఛగా వినియోగించుకోవడానికి సహృదయంతో అంగీకారం తెలిపిన మిత్రులు కళైమామణి శ్రీ పొనుగుమట్ల విష్ణుమూర్తి గారికి సమాచార హక్కు ప్రచార ఐక్యవేదిక ఉద్యమాభినందనలను తెలుపుకుంటోంది. డాక్టర్‌ అంబేద్కర్‌ను ఒక వర్గ ప్రతినిధిగా గాక, భారత జాతికంతటికి ప్రతినిధిగా, ఇంకా సరిగా చెప్పాలంటే మానవత్వానికి ప్రతినిధిగా అర్థం చేసుకోవడం, సమాజానికి అర్థమయ్యేట్లు తెలియజెప్పటం అన్న రెండూనే ఆయన చేసిన శ్రమకు, పడిన తపనకు సరైన నివాళి అవుతుందని తలంచుతోంది.

రాజ్యాంగ నిర్మాతగ గుర్తుంపబడిన డా||బి.ఆర్‌.అంబేద్కర్‌ రాజ్యాంగ ముసాయిదా పూర్తిచేసినపుడు ప్రకటించిన తన భావాలు ఆయన ప్రసగంలోనే చూడండి.

ప్రతిపాదిత రాజ్యాంగము ఉద్దేశములూ - లక్ష్యముల గురించి

సమాచార హక్కు ప్రచార ఐక్య వేదిక-ఉద్యమం-ప్రస్తుత స్థితి

యోచనాశీలురైన ఉద్యమ మిత్రులారా! పాఠకులారా!

దీర్ఘకాలం పెద్ద ఎత్తున సాగించాల్సిన యత్నాలేవైనా నిర్ణీత అవధుల్లో సునిశితమైన సమీక్షకు లోనవుతూ ఉండాలి. సమీక్ష రాగద్వేష రహితంగా ఉండి, వాస్తవాలను గమనించాలన్న తీవ్రమైన ఆకాంక్ష గల యోచనాపరుల చేత చేయబడాలి. సమీక్షలక్ష్యం ముందనుకున్న ప్రణాళికననుసరించి అప్పటి వరకు జరిగిందేమిటి? జరిగిందాన్లో నుండి ప్రణాళికలో ఏమైన మార్పులు చేర్పులు అవసరమై యున్నాయా? అన్నది స్పష్టంగా గమనించుకుని, రాబోయే నిర్ణీత కాలానికి అవసరమైన ప్రణాళికను ఖరారు చేసుకుని, మళ్ళా అక్కడ నుండి పని ప్రారంభించడం. ఈ విషయంలో ఉద్యమనేతలకుగానీ, సమీక్షకు కూర్చున్న (పూనుకున్న) వారిలోగాని స్పష్టత, తపన లేకుంటే, ఆ సమీక్ష సమీక్ష సాధించాల్సిన ఫలితాన్ని సాధించిపెట్టదు. అందువల్ల ఉద్యమాలూ ఆరోగ్యంగా, బలంగా సాగలేకపోతాయి.

చరిత్రను జాగ్రత్తగా అవలోకించగలిగితే, గతాన్ని పట్టించుకోని, గుణపాఠాలు నేర్చుకోని వ్యక్తుల జీవితాలుగానీ, సంస్ధల జీవితాలుగానీ, ఎదుగూ బొదుగూ లేకుండా సాగుతుండడమో, వెర్రితలలు వేయడమో, క్రమంగా నీరశించి కునారిల్లిపోవడమో జరిగినట్లు స్పష్టంగా అగపడుతుంది. కనుక ఉద్యమ లక్ష్యాలు సాధించాలన్న తీవ్రమైన తపన, ఆవేశకావేషాలకు, ఉద్వేగాలకులోనుకాని తనంతో బాటు నిశిత పరిశీలనా సామర్ధ్యము కలవారు కూర్చుని థలవారీగా జరిగిన, జరుగుతున్న, జరగాల్సిన వాటి గురించి సమీక్షలు నిర్వహించుకుంటుండాలి.

అలా జరగకుంటే, అలాంటి యత్నాల పర్యవసానాలు, చేతులు కాలాక ఆకులు పట్టుకోవడం, పుట్టిమునిగాక ఈత నేర్చ మొదలెట్టడం లాంటివిగనే ఉంటాయి. సుదూర ప్రయాణానికి సమకట్టిన యాత్రికుడు వివిధ థలలో ఎప్పటికప్పుడు అప్పటికి ఎక్కడి వరకు చేరింది, ఇక ముందు ఎటు వెళ్ళాల్సింది, దానితోపాటు సామానుల విషయంలోనూ తిరిగి చూసుకుంటుండాలి. అలా పట్టించుకోని ప్రయాణాలు చేరవలసిన చోటికి చేరకపోవడంతో పాటు, ఉండవలసినవి ఉండకపోవడం కూడా జరిగే వీలుంటుంది. కనుకనే మనందరి జీవితాలలో మజిలీలు ఏర్పడ్డప్పుడల్లా పై రెండు జాగ్రత్తలు తీసుకోవడం సహజంగనే అలవడింది. కనుకనే అంతకంటే సంక్లిష్టమైన ఉద్యమ యత్నాలలో, తిరిగిచూసుకోవడం అన్న విధానం మరింత మరింత అవసరమై ఉంది అనంటున్నాను.

పై సాధారణ సూత్రాలాధారంగానే, మన ఐక్యవేదిక ఉద్యమాన్ని తిరిగి చూసుకోవలసిన అవసరం ఉంది. ఇప్పటికి జరగాల్సింది, జరిగింది అన్న రెండంశాలను నా దృష్టి కందినంతలో సమీక్షించే పని చేశానిందులో. ఉద్యమంతో మమేకమైన వాళ్ళూ, ఉద్యమాన్ని జాగ్రత్తగా గమనిస్తున్న వాళ్ళు ఈ సమీక్షా రూపాన్ని జాగ్రత్తగా పరికించి, ఇక జరగాల్సిన దాని గురించి ఆలోచించాలి. మన మంతా ఎవరి పాత్రను వాళ్ళం సక్రమంగా పోషిస్తేనేగాని సమష్టి మహద్యత్నాలు సక్రమంగా సాగవు.

ఉద్యమ పూర్వరంగం

ఉద్యమం ఆరంభించుకుని సం|| పైగా అయ్యింది. మొన్న జనవరి 30, 31న వార్షిక సమీక్షా సమావేశం కూడా జరుపుకున్నాం. ప్రధమవిడత లక్షంగా అటు ఉద్యమ నిర్మాణ పరంగా, ఇటు ఉద్యమ కార్యాచరణ పరంగా క్రింది పనుల్ని పెట్టుకున్నాం.

1. జిల్లా కమిటీల ఏర్పాటు

2. మండల కమిటీల ఏర్పాటు

ఈ రెండు పనులూ 1 సం||లోగా పూర్తి చేయాలనుకున్నాం. అయినా ఇప్పటికింకా ఆ రెండు పనులూ పూర్తి కానేలేదు.

జిల్లా కమిటీల ఏర్పాటుగానీ, మండల కమిటీల ఏర్పాటుగానీ ఉద్యమాశయాల నెరవేర్పుకు అనుగుణ్యంగా ఉండేలా జాగ్రత్తలు తీసుకోవాలనుకున్నాం. ఆ వివరాలను క్షేత్రస్థాయిలో పని చేయాల్సి ఉన్నవారికీ, వారి మాతృ సంస్ధల బాధ్యులకు, ఐక్యవేదిక భాగస్వామ్య సంస్ధలకు, ప్రజాస్వామ్య పరిరక్షణదిశగా, సమాచార హక్కు ప్రచార ఐక్యవేదిక చేపట్టిన ప్రజాఉద్యమం, అన్న పుస్తకం ద్వారా అందజేశాం. అదే వివరాలను ఆయా సమావేశాలు జరిగిన ప్రతి సందర్భంలోనూ నా వరకు నేను ప్రధానంగా ప్రస్తావిస్తూ వచ్చాను. వస్తున్నాను.

1. నా అవగాహన ననుసరించి ఉద్యమ లక్ష్యం సమాచారహక్కు చట్టాన్ని గురించి ప్రచారం చేయడం మాత్రమే కాదు.

2. సమాచార హక్కు చట్టాన్నుపయోగించి మన వేదికలోని వారు సమాచారం కొరకు విస్త్రృతంగా దరఖాస్తులు పెట్టడమూ కాదు.

3. వేదిక సాధించాలనుకుంటున్న అంతిమ సాధ్యం (లక్ష్యం) భారత దేశ ప్రజలందరికీ, భారత రాజ్యాంగం లక్షిస్తున్న - సాధించుకోమని చెపుతున్న - సాంఘిక, ఆర్ధిక రాజకీయ ప్రజాస్వామ్యం అందుబాటులోనికి తీసుకురావడం.

4. ఆ లక్ష్యసాధనకు ఆచరణ యోగ్యమైన పరిధిని నిర్ణయించుకోవడం అన్నిటికంటే కీలకమైనదవుతుంది. కనుకనే మన కార్య క్షేత్రంగా ఆంధ్రప్రదేశ్‌ రాష్ట్రాన్ని ఒక మొత్తంగా ఎంచుకున్నాం. ఆ దృష్టితోనే, ఉద్యమానికి ''సమాచార హక్కు ప్రచార ఐక్యవేదిక ఆంధ్రప్రదేశ్‌'' అని పేరుపెట్టుకున్నాం.

5. ఉద్యమ ప్రధాన లక్ష్య సాధనకు, 2014 ఎన్నికల సమయాన్ని తాత్కాలిక కాలావధిగ నిర్ణయించుకున్నాం. అందుకొరకై మూడు థలుగా ఉద్యమ కార్యాన్ని నిర్వర్తించుకోవాలనుకున్నాం. ఇవిగో ఆ మూడంచెలు.

1. ఉద్యమ నిర్మాణ పరంగా

1. ప్రధమ థ ఉద్యమ నిర్మాణ పరమైనది. అది జిల్లా కమిటీలు, మండల కమిటీలు ఏర్పరచడం.

2. జిల్లా కు 10 మంది, జిల్లాలో శిక్షణ కార్యక్రమాలు నిర్వహించగల రీతిలో శిక్షకుల్ని తయారుచేసుకోవడం

3. మలిథ శిక్షణలో భాగంగా మండలానికి ఇద్దరు లేక ముగ్గుర్ని శిక్షితుల్ని తయారు చేసుకోవడం

4. ఉద్యమ కార్యాచరణ పరంగా 1 సం|| పాటు సమాచార హక్కు చట్టాన్ని వినియోగంలోనికి తేవకోడానికి గాను రెండు రూపాలుగా పనిచేయాలి.

1. సమాచార హక్కు చట్టాన్ని వినియోగంలోనికి తేవడానికి సంబంధించిన, చట్టంలోని 4వ సెక్షను, 26వ సెక్షన్లను అమలు చేయించేపనికై ఇటు కమీషన్‌ పైన, అటు ప్రభుత్వం పైనా వత్తిడిపెంచడం ద్వారా ఉదా :- సెక్షన్‌ 4.1(ఎ), 4.1(బి)ల అమలును తనిఖీ చేసి, అమలు కాని చోట దరఖాస్తులు పెట్టడం, ఫిర్యాదులు చేయడం ప్రజా సదస్సులు నిర్వహించడం, శాసనసభలో ఈ అంశాన్ని ప్రస్తావించడం మొ||న వాటి ద్వారా.

2. ఉద్యమ కార్యకర్తల తోడ్పాటుతో పౌరుల చేత వివిధాంశాలపై పెద్ద ఎత్తున దరఖాస్తులు పెట్టించడం అన్న పని ద్వారా దరఖాస్తులు పెట్టడంలో ప్రజలకు తర్ఫీదునివ్వడం.

3. స.హ. చట్టంపై శిక్షణ పొందిన వారి ద్వారాను, మాధ్యమాలు, ప్రచార సాధనాల ద్వారా గ్రామస్ధాయి వరకు విస్త్రృతంగా ప్రచారం చేసి ప్రజలకు అవగాహన కలిగించడం.

2. రెండో థ ఉద్యమ లక్ష్యం గ్రామాభ్యుదయ సంఘాలను, పట్టణాలలో పట్టణాభివృద్ధి సంఘాలను ఏర్పాటు చేయడం.

గమనిక : ఈ అభివృద్ధి సంఘాలు ఉమ్మడి లేదా సమష్టి కూటాలుగా ఉండాలన్నది అత్యంత కీలకము. ఈ సంఘంలో ఆయాగ్రామాల, పట్టణాలలోని అన్ని బృందాలు ఉండవచ్చు. ఇది ఏదో ఒక సంస్ధకు చెందిన విభాగంగా కాక, అన్ని సంస్ధలకు చెందిన ఉమ్మడివేదికగా ఉండాలి. ఆ గ్రామం లేదా పట్టణం మొత్తానికి కీలకమైన పాత్రినిధ్యం వహించేదిగా ఉండాలి. పెద్ద పట్టణాలు, నగరాలు, మహా నగరాలలో వార్డు అభివృద్ధి కమిటీలనూ రూపొందించుకోవచ్చు.

గమనిక : ఈ గ్రామ కమిటీలలో 1. ఐక్యవేదిక సభ్యులూ భాగస్వాములుగా ఉంటారు, ఐక్యవేదిక ద్వారా అవగాహన కలిగించుకున్న వారూ ఉంటారు. ఈ థలో ఐక్యవేదిక కార్యాచరణ ప్రణాళిక రెండు విభాగాలుగా ఉంటుంది. గ్రామాభ్యుదయ కమిటీ సభ్యులు గ్రామంలో ఇంటింటికీ తిరిగి  (1) సమాచార హక్కు చట్టాన్ని, పౌర సేవా పత్రాన్ని వినియోగించుకోడాన్ని గురించి ఎరుకపరచి, ప్రోత్సహించడం, సాయపడడం చేస్తారు. (2) స్థానిక ప్రభుత్వాలకు అధికారాల బదలాయింపుకు సంబంధించి రాజ్యాంగం నిర్దేశిస్తున్న విషయాల గురించి అవగాహన కలిగించి, అధికారవికేంద్రీకరణకై ప్రభుత్వం పై వత్తిడి తేవలసిందిగా వారిని ప్రోత్సహించడం, ప్రేరేపించడం చేస్తారు.

(3) గ్రామ సభలు సక్రమంగా జరిగేలా పంచాయితీ బాధ్యుల్ని, ప్రజల్ని సన్నద్దం చేసేందుకు కృషి చేస్తారు.

3. మూడో థలో ఉద్యమ కార్యాచరణ రెండు రూపాలలో ఉంటుంది.

(1) గ్రామాభివృద్ధి దిశగా గ్రామస్తులే పాల్గొనేలా ప్రోత్సహించే పని చేస్తుండడం.

(2) మంచి రాజకీయాలకు తగిన వ్యక్తుల్ని స్ధానిక క్షేత్రాలనుండే కనిపెట్టి అట్టి వారికి రాజకీయ శిక్షణా తరగతుల్ని నిర్వహించుతూ, మంచి వ్యక్తుల్ని రాజకీయాలలోకి చోరబెట్టడం.

 జరగాల్సిందేంతా? ఇప్పటికి జరిగిందెంత?

(1) జిల్లా కమిటీల ఏర్పాటు, 13, 14 జిల్లా కమిటీలు అక్టోబరు, నవంబరు నాటికి ఏర్పడ్డాయి. మిగిలిన జిల్లాలలో సన్నాహక కమిటీలు ఏర్పడ్డాయి. అటు పైన ఆ కార్యక్రమంపై గట్టి కృషి జరగలేదు.

గమనిక (1) ఐక్యవేదిక ఎంపిక చేసుకున్న విధానం ప్రకారం జిల్లా కమిటీ, ప్రతి మండలపు ప్రాతినిధ్యం కలిగి ఏర్పడాలి. కనీస పక్షం 60, 70 శాతం మండలాల ప్రాతినిధ్యమైనా ఉండాలి. అటు పై ఒకటి రెండు నెలలలో మిగిలిన మండలాల నుండీ ప్రతినిధులను ఎంచుకుని కమిటీని పూర్తి స్ధాయిలో రూపొందించుకోవాలి.

(2) సన్నాహక కమిటీలు ఏర్పడ్డ జిల్లాలలో ఒకటి రెండు నెలలలోగా శాశ్వత కమిటీకి అవసరమైన మండల ప్రతినిధులకై యత్నించి జిల్లా కమిటీని ఏర్పరచుకోవాలి.

(3) అనంతరం 1 సం||లోగా పట్టణ, మండల కమిటీల ఏర్పాటు పూర్తి కావాలి. ఆ కమిటీలలో మండల కమిటీలో ప్రతి గ్రామ ప్రాతినిధ్యం. పట్టణ కమిటీలో ప్రతి వార్డు ప్రాతినిధ్యం ఉండాలి. కనీసం 60, 70 శాతం ఉంటేగాని అక్కడా శాశ్వత కమిటీలు ఏర్పడడానికి వీలుకాదు. 50% కంటే తక్కువ ప్రాతినిధ్యం ఉన్నంత వరకు ఆ కమిటీలు సన్నాహక కమిటీలనే అనబడతాయి. 60, 70 శాతం పూర్తయి కమిటీలు ఏర్పడ్డ చోటైనా అనతి కాలంలో ఖాళీని భర్తీ చేసుకోవడం జరగాలి. సన్నాహక కమిటీలు మాత్రమే ఏర్పడ్డతావుల శాశ్వత కమిటీలకై యత్నించడం జరగాలి. కమిటీల ఏర్పాటు విషయంలో, ఉద్యమాలకు సంబంధించి గత పది, ఇరవై ఏండ్ల అనుభవాలను దృష్టినిడుకుని, ఒక సాధారణ విధానమును అమలు చేయాలనుకున్నాము. కమిటీలన్నింటిలోనూ ప్రధాన బాధ్యతలు తీసుకున్నవారు, ఆ కమిటీ పరిధిలోని ప్రాంతమంతా పర్యటించాలి. అంటే :-

(1) జిల్లా అధ్యక్ష ప్రధాన కార్యదర్శులు జిల్లా అంతటా తిరిగి జిల్లా స్ధాయిలో ఉద్యమాన్ని చైతన్యవంతం చేయాలి.

(2) డివిజన్‌ స్ధాయిలో ఉపాధ్యక్ష, కార్యదర్శులు డివిజన్‌ అంతా తిరిగి ఉద్యమాన్ని బలోపేతం చేయాలి.

(3) మండల బాధ్యులు, అంటే జిల్లా కమిటీ సభ్యులు మండల మంతా తిరిగి మండల కమిటీల ఏర్పాటుకు తగిన సన్నాహక యత్నాలు చేయాలి.

ఈ మూడు రకాల యత్నాల ఫలితంగా 1 సం||లోగా మండల కమిటీలు ఏర్పడాలి. ఉద్యమ కార్యాచరణ తొలి థ యత్నాలు జిల్లా కమిటీలు ఏర్పడ్డ వెంటనే ఆరంభించుకోవాలి.

13, 14 జిల్లా కమిటీలు ఏర్పడ్డ వెంటనే రాష్ట్ర కమిటీ అధ్యయన శిక్షణా తరగతులపై దృష్టి పెట్టింది. అపార్డుతో ఒక అవగాహనకొచ్చి ఒప్పందం కుదరడంతో మొదటి శిక్షణా తరగతిని 25 మందితో అక్కడ నిర్వహించుకున్నాం.

శిక్షణకు అవసరమైన బోధనాంశాలను ఒకటి రెండు నెలలు శ్రమించి రూపొందించుకున్నాం.

బోధనాంశాలు :-

(1) మంచి ప్రసంగీకుడు కావాలంటే,

(2) ప్రేరణ : - సమాజ కార్యం, ఉద్యమ కార్యం ఎందుకు చేయాలి?

(3) రాజ్యాంగం - కనీసావగాహన

(4) సమాచార హక్కు చట్టం - అవగాహన - వినియోగం.

వీటన్నింటికీ ఆధారమైన, ఐక్యవేదిక పూర్వాపరాల గురించీ ఏదో ఒక సమయంలో మాట్లాడుకోవడం.

3 నెలలలోగా జిల్లాకు 10 మంది చొ||న శిక్షకులు ఏర్పడేలా, శిక్షకులకు శిక్షణా ఇచ్చుకోవాల్సి ఉంది.

తగినంత మంది శిక్షకులు తయారవగనే మొదట అపార్డు వారి '5' ప్రాంతీయ శిక్షణా కేంద్రాలలో తరగతులు ప్రారంభించాలి.

జిల్లా శిక్షణా తరగతులు నిర్వహించుకోడానికి తగినంత మంది శిక్షకులు ఏర్పడగానే జిల్లా శిక్షణా తరగతులూ ఆరంభించుకోవాలి. 1 సం|| పాటు శిక్షణా తరగతులు నిర్వహించాలి.

గమనిక :- 23 జిల్లాలలో శిక్షణా తరగతులు మలిథ కార్యక్రమం అనుకున్నా తొలిథ యత్నాలలో ప్రాంతీయ శిక్షణా తరగతుల వరకైనా జరుపుకుంటూ సుమారు 2,500 నుండి 3,000 మంది వరకు శిక్షకులను తయారు చేసుకోవాలి. ఇదంతా మానవ వనరుల్ని సమీకరించుకునే పని క్రిందికి వస్తుంది.

మరోవంక ఆర్ధిక వనరులు సమకూర్చుకునే పని చేయాల్సి ఉంది.

1. ఉద్యమాలలోని వారమే అయిన మనమే తలాకొంత నిధిని అందించడం.

2. జిల్లాకు 100 మందిని దాతలను గుర్తించి వారి నుండి విరాళాలు సేకరించడం.

3. జిల్లాకు 1000 మందిని సభ్యులను చేర్చుకుని అటు ఉద్యమానికి వ్యక్తులను, ఇటు నిధిని కూడా సమకూర్చుకోవడం.

సభ్యత్వం క్రింద వచ్చిన నిధి నుండి కొంత భాగం మాత్రం రాష్ట్రానికి జమచేసి, మిగిలిన  నిధినంతా జిల్లాలలోనే వినియోగించాలనుకోవడం జరిగింది.

ప్రచార కార్యక్రమాలు : -

శిక్షణ పొందిన వారి నుండి మంచి వక్తలను ఎంచుకొని రాష్ట్ర మంతటా విస్త్రృతంగా పర్యటిస్తూ ప్రచారం చేయాలి.

ప్రచార వాహనాలు సమకూర్చుకుని, ప్రచార సామాగ్రిని సిద్దం చేసుకుని ప్రచారం సాగించాలి.

ఉద్యమ పరంగా అసంతృప్తినీ, ఆందోళనను కలిగిస్తున్న అంశాలు కొన్నిఉన్నై.

1) ఉద్యమ ప్రధాన భావ జాలం (ఆశయాదర్శాలు, నియమనిబంధనలు) అన్న విషయంలో భాగస్వామ్య సంస్ధలన్నింటికీ సరిపడినంత అవగాహన ఉందా? లేదా? అన్నది చాలా కీలకాంశం.

2) అవగాహన ఉందనుకున్నా వారి వారికున్న చేయాల్సిన పనుల జాబితాలో ప్రాధాన్యతా క్రమంలో ఈ పని ఎన్నో స్ధానంలో ఉందన్నది మరో కీలకాంశం.

3) ఐక్య వేదికలోని భాగస్వామ్య సంస్ధలు, క్షేత్రస్ధాయిలోని తమ విభాగాలకు ఐక్యవేదిక గురించి తెలియజేయడంగానీ, ఎక్కడికక్కడ పాల్గొనవలసిందిగా నిర్ధిష్ట రూపంలో తెలియపరచడంగానీ దిశానిర్ధేశం చేయడంగానీ చేశాయా?

4) ఏయే విషయాలలో ప్రజలకు అవగాహన కల్గించుదామని అందరం కలిసి ఐక్యవేదికను ఏర్పరచుకున్నామో, ఆయా విషయాలపై తమ కార్యకర్తలకూ, సభ్యులకు, సానుభూతిపరులకు ముందుగా అవగాహన కలిగించుకోవడం అవసరం అని గుర్తించామా? అందుకు పూనుకున్నామా?

గమనిక : తమకు, తమ కార్యకర్తలకు, తమకు పరిచయాలున్నవారికీ ఐక్యవేదిక గురించి ఇంతగా తెలియ చెప్పనక్కర లేదనుకోవడం ఏరకంగానూ సరి కాదు. ఆ వైఖరి వారి వారి అవగాహనా లోపాన్ని, నిజాయితీలోపాన్ని తెలియజేస్తుంది.

ఈ సందర్భంగా ఒక సూక్తి గుర్తుకొస్తోంది.

పట్టు పట్టరాదు, పట్టి విడువరాదు. పట్టెనేని బిగియబట్టవలయు.

పట్టి విడుచుట కంటే బాటకంటే పరగి చచ్చుట మేలు... ||విశ్వ||

కార్యసాధకులకుండాల్సిన అత్యంత మౌలికమైన వైఖరి ఇది. ఉద్యమ క్షేత్రంలో ప్రస్తుతం మీ వైఖరి అత్యంత బలహీనంగా ఉంటోంది.

లెక్కకు మిక్కిలిగా సంస్ధలు పుట్టుకు రావడం మరో విషాదం. ఈ మధ్య ఐక్యవేదికల ఆవిర్భావమూ తామరతంపరగా జరుగుతోంది.ఎన్ని ఐక్యవేదికలు పుట్టుకొచ్చినా అన్నింటా కనపడేది ఆ నలుగురే అనడం కంటే హాస్యాస్పదమూ, విషాదమూ ఇంకేముంటుంది?

అసలు ఐక్యవేదికల అవసరమేమిటి?

ఒక సంస్ధ తాను తలపెట్టిన పని తనొక్క దానివల్ల అవదు అని గుర్తించాక, ఆ పనిని చేయడానికి అనుకూలతకల సంస్ధలేమైన ఉన్నాయోమోనని వెదుకుతుంది. ఉద్యమ నిర్మాణంలో, భావసారూప్యతగల వ్యక్తులను వెదకి పట్టుకుని, సమీకరించి, సంఘటిత పరచడం ఎంత ప్రాధమిక సూత్రమో, ఐక్యఉద్యమాలలో భావసారూప్యతకల సంస్ధలను వెదకి పట్టుకుని సమీకరించి సంఘటితపరచడం అంతే ప్రాధమిక సూత్రం. సాధారణ మానవుడైనా సరే తాను చేయాలనుకున్న, మొదలెట్టిన పని తనవల్ల కాదని గుర్తించిన మరు క్షణం చేస్తున్న పనినాపి అవసరమైన సాయం కొరకు యత్నిస్తాడు. అలా కాక ఎవరైనా సాయం కొరకు యత్నం చేయకుండా అవదని తెలిసే ఒక్కడే శ్రమిస్తుండడం గానీ, సాయం తెచ్చుకునే పని చేయకుండడం గానీ చేస్తుంటే అట్టి వానిని తెలివి తక్కువవాడు, వ్యర్ధ శ్రమ చేస్తున్నాడు అని అంటామా? అనమా? అదే మాదిరి తెలివి తక్కువ పని యోచనాపరులం, సంఘటితైషులం అనుకుంటున్నవాళ్ళు చేస్తుంటే ఇక దానినే మనుకోవాలి?

ఐక్య ఉద్యమాలు పుట్టిందే కనీస ఉమ్మడి కార్యక్రమాన్ని ఎంచుకుని కలసి కట్టుగా ఒక్క పనినైనా పూర్తి చేయడం కొరకు. అందుకనే ఐక్యవేదికల లక్ష్యంలో '్పుళిళీళీళిదీ ళీరిదీరిళీతిళీ ఆజీళివీజీబిళీ' మాత్రమే ఉంటుంది. ఉండాలి. ఆ పని నెత్తికెత్తుకున్నప్పుడు ఎప్పుడోసారి, ఎంతో కొంత మేర అందరూ వారి వారి పనులనాపుకుని, ఈ ఉమ్మడి కార్యక్రమానికి సిద్ధపడాలి. ఎందుకంటే ఒక్కరివల్లో కొద్ది మంది వల్లో కాదని గుర్తించేకదా అందరం కలసి ఆ పని చేద్దామనుకున్నది అలా అనుకునికూడా ఏ నాడూ అందరం కలసి పనికి పూనుకోకపోతే అది ఐక్య ఉద్యమ స్వభావానికే విరుద్దం కాదా!?

ఐక్యవేదికలలో సభ్యులై యుండి ఐక్య కార్యాచరణలో పాలుపంచుకోవడం లేదంటేనూ, లేదా పాలు పంచుకోలేక పోతున్నారంటేనూ, (1) అవగాహన లేదనైనా అనాలి. (2) అంత అవసరం అనిపించలేదనైనా అనాలి. (3) మరో ప్రయోజనం కోరో, మొహమాటానికో ఐక్య వేదికలో చేరారేకాని ఇష్టంతో కాదనైనా అనాలి.

ఇవన్నీ ఒక ఎత్తైతే, అనేక ఐక్యవేదికలు పుట్టుకొస్తుండడం, అన్నింటిలోనూ ఆ నలుగురే ఉండడం మరో ఎత్తు. అంతేకాదు. ఈ వైఖరి ఏ వేదిక పనీ సక్రమంగా, శక్తివంతంగా జరగనీకుండా అడ్డుపడుతుంటుంది. కూడాను. ఇక్కడ చేదు నిజాన్ని చెప్పుకోవాలి. ఎక్కువలో ఎక్కువ, ఐక్యవేదికలు స్ధాపించేవారికి పబ్లిసిటీ  గొడవేగాని, సమస్య, దాని పరిష్కారం అన్న విషయంలో ఉండాల్సినంత శ్రద్ధ, మదన ఉండడం లేదు. కనుకనే ఇన్ని, మరిన్ని ఐక్యవేదికలు రాగలుగుతున్నై, రికార్డుల్లో మనగలుగుతున్నై.

నిజానికి ఏదేని ఒక ఐక్యవేదిక దాని అవసరాన్ని గుర్తించిన వారిచే ఏర్పడి ఉంటే, ఆ లక్ష్యం నెరవేరే వరకు దానిలోని వారందరికీ మరో పని కానరాదు. చేయడానికీ వీలుపడదు. ఎందుకంటే ఈ పని ఆరంభించి సాగిస్తూనే ఉండవలసి ఉంటుంది గనుక. ఈ విషయంలో గానీ ఫలానప్పుడు ఫలానిపని మన నలుగురం కలసి చేద్దామన్నకున్నట్లైతే, ఆ మేరకు వారి సొంతపనులాపుకుని ఆ పని అయ్యేంతవరకు అందరూ అదే పని చేస్తారు. ఇది సర్వానుభవ సిద్దమైన., నిర్వివాదాంశం. అవునంటారా? కాదంటారా? కానీ ఈ నాడు ఈ విధానం అమలవడం లేదు. దీనికి తోడు ఉద్యమాలంటే, వివిధ ప్రాంతాల, వారిని ఒక చోట సమావేశ పరిచి సెమినార్లు, చర్చా వేదికలు, నిర్వహిస్తూ, పదవుల్ని పంచుకోవడమేననే ఒక తప్పుడు సంస్కృతి సాంప్రదాయంగా  తీరికూర్చుంది.

నిజానికి సమావేశాలు అదిన్ని అడపాదడపా సంస్ధల కేంద్రాలలో జరిగే సమావేశాలు, అవి ఆరంభ సమావేశాలైతే, ఉద్యమాన్ని గురించి నలుగురికీ తెలియ జెప్పడానికీ, కలసి రాగల వాళ్ళెవరిని గుర్తించడానికీ, కార్యక్రమాలు రూపొందించుకోడానికీ, బాధ్యతలను - పదవులు కానేకాదు - అప్పగించుకోడానికి లేదా స్వీకరించడానికి ఉద్దేశించినవిగానే ఉండాలి. ఉంటాయి. కూడా. అటు పైన నిర్ణీత అవధులో జరిగే అనంతర సమావేశాలన్నీ ఆ ఉద్యమ సంస్ధ అప్పటి వరకు చేసిన పనుల్ని సమీక్షించుకోడానికి, అంతకు ముందున్న పనులలో ఏవేవి ఎంతెంత సఫలమైనాయి? మరి ఏమి పనులు విఫలమైనాయని ఇంకేవేవి మధ్యలో ఉన్నాయో, చూసుకుని, మలివిడత చేయాల్సిన వాటికై, అవసరమైన మార్పులు చేర్పులతో మలిథ కార్యక్రమాలు రూపొందించుకుని, పనులను వర్గీకరించుకుని, బాధ్యతలు స్వీకరించడానికి ఉద్దేశించినవిగా ఉండాలి. వివేకవంతమైన అంటే అవగాహన పునాదిగా గల కార్యక్రమాలన్నీ అలానే ఉంటాయి.

వివిధ ఉద్యమ సంస్ధలకు చెందిన పెద్దలారా! మిత్రులారా! గత 5, 6 ఏండ్లుగా (పదేళ్ళను లెక్కలోకి తీసుకుందామనుకున్నా పరవాలేదు) ఐక్యవేదికల పేరున ఉనికిలోకి వచ్చిన వాటిని గురించి పరిశీలించి చూడండి. ఏయే వేదికలు ఎప్పుడేపుడు పుట్టాయి? వాటిని ఏర్పరచిన వారెవరు? ప్రారంభ సమావేశంలో అందులోని వారు వారు మాట్టాడిందేమిటి? అటు తరవాత ఆ వేదికల కొనసాగింపు కార్యక్రమం లేమిటి? వేదికపై మాట్టాడిన వారు అటు పైన పోషించిన పాత్ర  ఏమిటి? అన్న వాటిని పరిశీలించి వాస్తవాలను గుర్తించండి. నాకు తెలిసి ఐక్యవేదికలుగ ఏర్పడ్డ వాటిలో కొన్ని అదే మొదటి సమావేశం, అదే చివరి సమావేశం కూడా. మరి కొన్నింటిలో అయితే గియతే ఏడాదికో రెండేండ్లకో మలి సమావేశాలు జరిగుండవచ్చు. అప్పడైనా ఈ సంవత్సర కాలంలో ఆవేదిక సమాజంలోఅంటే క్షేత్రస్ధాయిలో చేసిన కార్యక్రమాలు దాదాపు ఏమీ ఉండవు.

సమస్య నేమి చేద్దాం? అని ఆరంభ సమావేశంలో ప్రస్తావించి, ఎవరికితోచింది వారు ప్రకటించి వెళ్తారు. మలి సమావేశం ఒక వేళ గాని జరిగితే, మళ్ళీ అప్పుడు కలసిన నలుగురు వాళ్ళా సమస్యనేమి చేద్దాం? అన్న అంశాన్ని లేవనెత్తి, ఎవరికి తోచింది వారు ప్రకటించి, మీడియాకు కబురందించి, చేతులు దులిపేసుకుంటారన్న మాట. గొప్ప విచిత్రము, హాస్యాస్పదమైన నిజాన్నొక్కదానిని చెపుతాను. చూడగలిగితే మీరు చూడండి. వాస్తవమేమిటో.

బాధ్యతలా  - పదవులా?

ఒక క్రొత్త సంస్ధ ఉనికిలోకి వచ్చింది. కమిటీ ఏర్పడింది. అధ్యకక్షుడు, ఉపాధ్యకక్షులు, ప్రధాన కార్యదర్శి, కార్యదర్శులు, కోశాధికారి, కార్యవర్గ సభ్యులు, సభ్యులు ఇదీ దాని ఒకసాధారణ చిత్రం. ఇదే చిత్రం అటు కేంద్రకమిటీలోనూ, ఇటు జిల్లా, మండల కమిటీలలోనూ ఉంటుంది.

ఎక్కువలో ఎక్కువ భాగం అప్పటికే ఏదో ఒక సంఘంలో ఏదో పదవి? (బాధ్యత)లో ఉన్నవారే. ఇందులోనూ ఏదో బాధ్యతలో జొరబడతారు. ఉదా: - ఒకటి తన సొంత సంస్ధ. అందులో అధ్యకక్షుడో, ప్రధాన కార్యదర్శో తానై ఉంటాడు. ఏదో ఒక కార్యక్రమం చేయాలి గనుక తనకు తెలిసిన నలుగుర్ని, నాలుగు సంస్ధల వాళ్ళను పిలుస్తాడు. అలా నలుగురికీ పరిచయమవుతాడు. ఈ తరహా వ్యక్తుల్లో కొందరికి ఏదో ఒక కోణంలో ఎంతో కొంత సామర్ధ్యం ఉంటుంది. దాంతో ఇతర సంస్ధల వాళ్ళు అడపాదడపా ఇతణ్ణి వారి కార్యక్రమాలకు ఆహ్వానిస్తుంటారు. పరిచయాలు, పరస్పర సహకారము ఇక్కడికి పరిమితమైతే ఎలా గుండేదో గాని, ఈ నాడు సామాజిక క్షేత్రాలలో రకరకాల కారణాల వల్ల ప్రాచుర్యంలోకి వచ్చిన వారిలో ఎక్కువ మంది అనేక సంస్ధలలో రకరకాల పాత్రలలో ప్రవేశించి ఉంటున్నారు.

నేనీమధ్య ఐక్యవేదిక ఉద్యమ నిర్మాణం కొరకుగా అన్ని జిల్లాలు (1,2 మినహాయించి) తిరిగాను. ఆయా సమావేశాల కొచ్చిన వారిలో కొందరు పరిచయ కార్యక్రమాల సందర్భంలో తమను గురించి తాము చెప్పుకుంటూ, ఒక సంస్ధకు జిల్లా అధ్యకక్షుణ్ణనీ మరో సంస్ధలో రాష్ట్ర కార్యవర్గ సభ్యుణ్ణనీ, ఇంకొక సంస్ధలో జిల్లా ్ల కోశాధికారిననీ, రోటరీ మెంబర్ననీ, వినియోగదారుల ఫోరం ఉపాధ్యకక్షుణ్ణనీ, ఇంకో దానికి గౌరవ సలహా దారునని ఇలా 5, 6 సంస్ధల పదవుల గురించి చెప్పుకొచ్చారు. పరిచయ పత్రం (ఐడెంటిటీ కార్డు) పంచారు.

నా మనస్సూరకుండబట్టక, అయ్యా, మీరధ్యకక్షులుగ నున్న సంస్ధ కార్యక్రమాలు ఈ సం||లో ఏమి చేశారు. అనడిగాను. సంస్ధ రాష్ట్ర నాయకత్వం బాగలేదండీ. కార్యక్రమాలేమీ చేయడం లేదు. అనన్నారు. అలాగా సర్లేండి మీరు సలహాదారుగ ఉన్న సంస్ధ జిల్లాలో ఏమి చేస్తుంటుంది. ఈ సం||లో అది చేపట్టిన పనులేమిటి? అనడిగాను. ఆ ఏముందిలేండి సం|| కోసారి సమావేశం ఏర్పాటు చేస్తారు. రాను పోను చార్జీలు వాళ్ళే పెట్టుకుంటారు. హైద్రాబాద్‌ కదా! మనకూ ఏదో పనీ ఉంటూనే ఉంటుంది. రెండూ కలసి వచ్చినట్లుంటుందని వెళ్ళి వస్తుంటాను. ఏదో ఊరకుండలేక చేసే పనులేగాని, సమస్యలు పరిష్కారాలు గొడవెందుకులెండి. ఒక్కోసారి నాకే అనిపిస్తుంటుంది. ఎందుకొచ్చిన పదవిరా! అని అన్నారు. ఈ అనుభవం కలిగాక, అలా నాలుగైదు సంస్ధలలో నాలుగైదు పదవుల్లో కూర్చున్న వాళ్ళను వీలుచిక్కినప్పుడల్లా ఇలాగే అడగడం మొదలెట్టాను. ఈ శోధన- పరిశీలన - గొప్ప అనుభవాన్నే చేకూర్చిపెట్టింది నాకు.

సామాజిక సమస్య - దానిని చూస్తూ ఊరకుండలేని మనస్సు, దాంతో ఆ సమస్యా పరిష్కారానికై గట్టి యత్నము ... ఈ వరవడినబడి నడిచేటి వాళ్ళు, నాకైతే అగుపడలా. పదవులిష్టిస్తారు, పనులు చేయరు. పనులేమీ చేయడంలేదని తనకే అనిపిస్తున్నా, ఆ పదవిని వదులుకోరు. మరొకణ్ని రానీయరు. సంస్ధలోని వేరెవరైనా అదేమిటనంటే, వారిని వ్యతిరేక వర్గంగా భావించి, చిత్రించి, వీలైతే వారి పై వీరు, వీరి పై వారు బురద జల్లుకునే పనులూ మొదలెడతారు. ఇవీ, యిలాంటి మరికొన్ని అనుభవాల నుండే మన ఐక్య వేదిక కమిటీల ఏర్పాటులో కొన్ని సంస్కరణలను ప్రవేశపెట్టుకున్నాం. అదేమిటంటే.

1) మనకు క్షేత్ర స్ధాయిలో పని చేసే కార్యకర్తలే అత్యంత ప్రధానమైనవారు. కీలకమైనవారు.

2) ఆయా కమిటీలలోని ఆయా స్ధానాలు పదవులు కాదు. బాధ్యతలు మాత్రమే. ఎవరు ఎవరిపైనా ఆధిపత్యం చెలాయించే అవకాశమేలేదు. ఉదా : నేను .. అధ్యకక్షుణ్ణి నేను చెప్పినట్లు వినాల్సిందేలా మాట్లాడనే కూడదు. ఎందుకంటే నీవు జిల్లా అధ్యకక్షుడివైనా, రాష్ట్ర అధ్యకక్షుడివైనా కార్యకర్తకూ నీకూ ఉన్న సంబంధమేమిటి? అతని పై నీ కున్న అధికారం ఏమిటి? నూటికి నూరు శాతం ఏమీ లేదు. పైగా అతడు క్షేత్రస్ధాయిలో  పని చేస్తేనే ఉద్యమం సాగుతుంది. అతనికీ, నీకు మధ్య ఉండాల్సిన సంబంధం ప్రేమ, అభిమానాలతో కూడిన అవగాహనేగాని అంతకంటే  ఏ కారణం చూపి అతని పై పెత్తనం వెలగబెడతావు. సగం ఉద్యమాలు ఈ కారణం వల్ల కుదేలవుతున్నాయి.

మంచి సమాజం లేదా మెరుగైన సమాజం మాలక్ష్యమంటూనే, మెరుగైన సమాజంలో మనిషే ఉంటాడు, ఉండాలి అన్న దాన్ని పట్టించుకోకుండా, సాటి ఉద్యమకారుణైనా సమానంగా చూడనొల్లక వారే నాయక స్ధానాలలో ఆయా పదవుల్లో ఉంటున్నారు. స్వచ్చందంగా, తన పనులాపుకుని ఉద్యమంలో పని చేయడానికి సిద్దమైన వ్యక్తి నీకు పనులు చేసిపెట్టే వానిలా, ఆజ్ఞలు పాటించే వానిలా కనిపించటంలోనే ఉంది అసలు లొసుగంతా. నాయక స్వామ్యమేనడవాలన్న కోర్కె నీకే వదలలేదన్నామాట. ఇక నువ్వు చేయగలిగింది పల్లకీ ఎక్కడమో, వెనకుండి సతాయించడమో మాత్రమే. దీన్నుండి ఉద్యమాలు బైటపడాల్సి ఉంది.

ఈ రకంగుంపు పోయి, నాయక స్థానాలలోనికి మొనగాండ్లు (మొగాళ్ళు కాదు ఆడాళ్ళలోనూ మొనగాళ్ళు ఉండవచ్చు) రావాలి. మొనగాళ్ళంటే ముందుండి నడిపే వాళ్ళని అర్దం. ఎలా రాజకీయాలలో, ప్రజాస్వామ్యం పేరనే రాజరిక ధోరణి. (నియంతృత్వపోకడ) చలామణి అవుతోందో, అలానే స్వచ్చంద కార్యకలాపాలుగా ఉండాల్సిన ఉద్యమాల పేరునా నాయక స్వామ్యమే (నియంతృత్వమే) చలామణి అవుతోంది. ఇదెంత విషాదకరం!? స్వచ్చందంగా పది మంది కోసం పనిచేయడానికి  సిద్దపడ్డ వారిని అనుచరులుగ, ఆజ్ఞలు పాటించాల్సిన వారుగ చూడటమంత పొరపాటు పని ఇంకేముంటుంది? ఉద్యమాలలో తక్షణం మార్పు రావలసిన చోటిది.

నాయకత్వ ధోరణులు రెండు రకాలు. అనుచరనాయకత్వం, సహచర నాయకత్వం. ఎల్లకాలము నడిపే వాడిగ తానే ఉండాలి, మిగిలిన వాళ్ళు నడిచే వాళ్ళుగానే ఉండాలి అన్న మానసిక వైఖరి అనుచర నాయకత్వ లక్షణాలలో ప్రధానంగా ఉంటుంది. అట్టి పోకడ కలవాళ్ళకు, ఉద్యమ క్షేత్రాలలో ఉండే వారికి సొంత తల ఏర్పడాలన్న దృష్టి ఉండదు. పైగా తాజెప్పినట్లే ఉంటే చాలుననిపిస్తుంటుంది. దాదాపుగా అన్ని చోట్లా ఈ వైఖరే ప్రబలంగా ఉంటూవస్తోంది.

సహచర నాయకత్వం మాత్రమే స్ధిరంగానూ, దీర్ఘకాలిక ప్రయోజనాలను సాధించిపెట్టేదిగానూ ఉంటుంది. సహచరుల్ని తయారు చేసుకోవడం వొకింత కష్టమైన పని. అందుకు కార్యకర్తలకు విషయావగాహన కొరకు గాను, తగినంత అధ్యయనము, కార్యకుశలత కొరకు గాను శిక్షణ (అభ్యాసం) తప్పనిసరి అవుతాయి. అధ్యయనము - శిక్షణ లేనంత కాలం సహచరులు తయారు కానేకారు. ఈనాడు ఉద్యమ క్షేత్రాలన్నిటా సహచరుల్ని తయారు చేసుకునే యత్నాలే జరగడం లేదు. ఉద్యమాలన్నీ ఇక్కడెంతో లోపంగా ఉంటున్నాయి. అధ్యయన శిక్షణ తరగతులకు ప్రాధాన్యతనిచ్చి, ఒక ప్రణాళికాబద్ధంగా, ఉద్యమ ప్రణాళికలో వాటిని ఒక అవి భాజ్యమైన నిరంతరాయమైన ప్రక్రియగా ఏర్పాటు చేసుకున్న సంస్ధలే కరవయ్యాయి.

అడపాదడపా సమావేశాలు ఏర్పరచి నలుగురైదుగురి చేత ప్రసంగాలు చేయించి, చేతులు దులిపేసుకోవడమే అరుదుగా జరిగే అధ్యయన తరగతుల్లోనైనా జరుగుతోంది. ఇక అదీ చేయని సంస్ధలు ఒకటీ అర సమస్యలపై ప్రసంగాలతో తృప్తిపడిపోతున్నాయి. తమ తమ లక్ష్యాలకనుగుణ్యమైన కార్యకర్తను తయారు చేసుకునే పనిగానీ, ప్రజలకు అవగాహన కలిగించే పని గానీ శ్రద్ధ పెట్టి చేయడమేలేదు. ఉద్యమ క్షేత్రాలలోని ఏదో ఒక అంశంపై అంగీకారం కుదిరి ఉద్యమాలలోనికి వస్తున్నవాళ్ళున్ను, అధ్యయనానికి, శిక్షణకు సిద్దపడడంలా. వారి దృష్టంతా వారికి నచ్చిన విషయంపై ఏవైన కార్యక్రమాలు జరుగుతుంటే పాల్గొనడం వరకే పరిమితమవుతోంది.

ఇవన్నీ ప్రస్తుతం ఉద్యమ సంస్ధలుగా తెరమీదికి వచ్చిన వాటిల్లో పెక్కు సంస్ధలలో కనబడుతోంది. మరోరకం సంస్ధలున్నై, ఎదుగూ బొదుగూ లేకుండా, పనీపాటాకూడా లేకుండానే ఏండ్ల తరబడి సాగుతుంటాయవి. ఒకే కుటుంబం సంస్ధగా ఉండడం లేదా, నలుగురైదుగురు నామమాత్రపు సభ్యులతో సంస్ధలుగా ఉండడం జరుగుతుంటుందలాటి వాటిల్లో. ఒక్క చేదు నిజం చెప్పుకోవాలిక్కడ. ఈనాడున్న సంస్ధల్లో ఎక్కువలో ఎక్కువ ఉద్యమ స్వరూప స్వభావాలకు అనుగుణ్యత లేనివే. ఏమి చేయాలనుకున్నాం. ఏమి చేస్తున్నాం. సాధించుదామనుకున్న దిశగా జరిగిందేంత, జరగాల్సిందెంత అన్న స్పృహలేకుండా థాబ్దాలు గడిపేసిన సంస్ధలూ నా అనుభవంలో ఉన్నై. ఎంతటి  శోచనీయమైన విషయమంటే ఉద్యమ సంస్ధల కార్యక్రమాలను గురించి, ఉద్యమ సంస్ధలలోని వారి నుండే ఒక నానుడి పుట్టింది.ఉద్యమాలంటే ఏముందండి మాసికాలు, తద్దినాలేకదా! అన్నదే ఆ నానుడి. నిజానికి సిగ్గు పడాల్సిన ఈ విషయాన్ని విని, హాయిగా నవ్వేసుకునే వారినీ నేనెరుగుదును. మిత్రులారా! ఈ అశాస్త్రీయమైన అనుచితమైన, డాంబికమైన వైఖరి నుండి ఉద్యమాలు ఎంత త్వరగా బైటపడితే అంత మంచిది.

రెండు రకాల మనుషులు మంచిపనులు చేస్తుంటారు. సహాయ, సేవా రంగాలలో కనపడుతుంటారు. అందొకరకం బడుగు వర్గాల వేదనా పూరితమైన జీవితాలను చూసికలత చెంది. వారి బాదోపశమనానికి ఏదో ఒకటి చేయకుండా ఉండలేనివారు. ఇట్టి వారి హృదయం అట్టి వారి విషయంలో ఏదో ఒక స్ధాయిలో సహానుభూతిని పొందుతుంటుంది. కనుక వారికి మేలు కలగాలన్న దృష్టితోనే ఆ పనులు చేస్తుంటారు.

మరోరకం కీర్తి కాంక్షతో ఉంటారు. అవసరమైన దానికంటే ఎక్కువగ సంపద ఉంటుంది. అవసరాలకేగాక భోగాలకకు కూ మించిన ఆసంపద గుర్తింపు వైపు వారిని గుంజుతుంటుంది. సమాజంలో వారి వారి అవగాహన ననుసరించి ఏయే పనులు చేస్తే ప్రసిద్ది ఏర్పడుతుందో చూసుకుంటుంటారు. ఎదురుపడిన మంచి పనులను చేస్తుండడమో, మంచి పనులను చేయిస్తూ సన్మానాలనూ జరిపిస్తుండే వృత్తిలో ఉన్న వాళ్ళ పాలబడడమో, ఆశ్రయించడమో చేస్తూ పేరు ప్రఖ్యాతుల కొరకు పాటు పడుతుంటారు. ఈ రకానికి బడుగు జీవితాల బాధలంతగా పట్టవు సరికదా, ఆ రకం జనం ఉండడం తమ డాబుదర్పానికి అవకాశంగానూ పరిగణిస్తుంటారు. విషయం అర్ధమవుతుందనుకుంటాను.

మంచి కోసం మంచి పనులు చేస్తుండడం, మంచివాడనిపించుకోడం కోసం మంచి పనులు చేస్తుండడం. నిజానికీ రెండు వ్యక్తిత్వాలూ పరస్పర భిన్నమైనవి. అయినా నా దృష్టి నుండి వీరురువురూ మంచివాళ్ళే. మంచి పనులు చేస్తున్నారు కనుక. ఒకడు కీర్తిని ప్రతిఫలంగాకోరి మంచి పనులు చేస్తున్నాడు. అట్టి వారిని ఉద్యమకారులని గానీ, నిస్వార్ధులనిగానీ అనము. అనకూడదు కూడా. వారు ఒక రకంగా వ్యాపారం చేస్తున్నారు. సమాజంలోని కొందరు వ్యక్తులకు అవసరమైందిచ్చి, వారికవసరమైంది తీసుకుంటున్నారు. మరోరకం వారినే ప్రతిఫలరహితంగా సమాజం కొరకు పని చేస్తున్న వారనాలి. అట్టి వారిని మాత్రమే ఉద్యమ కార్యకర్తలు అనాలి. అదే న్యాయం కూడా. అయినా ప్రతిఫలాన్ని - కీర్తిని - కోరి మంచి పనులు చేసే వారినీ అభ్యుదయ శక్తుల క్రిందనే జమకట్టాలి.

సరే, ఇంకా ఎన్నో విషయాలు మీతో ముచ్చటించాలనే అనిపిస్తున్నా స్థలాభావం వల్ల ఇప్పటికిక్కడికాగుతాను. ఈ వ్యాసస్ధవిశ్లేషణంతా ఐక్యవేదిక మరియు ఇతర ఉద్యమక్షేత్రాలు కూడా కొన్నికీలకమైన అంతసంస్కరణలు చేసుకోవలసి ఉంది (1) అది ప్రధానంగా, అవగాహన, సంసిద్దత, కార్యకుశలతగల - దకక్షులంటారు వీరినే - కార్యకర్తల నిర్మాణ ప్రక్రియను - అధ్యయన శిక్షణ తరగతులు నిర్వహించుకోడాన్ని - ఆరంభించుకుని, నిరంతరాయంగా కొనసాగేలా చూసుకోవాలి.

(2)  ఎక్కడికక్కడ సుశికక్షుతులైన కార్యకర్తలనే నాయక స్ధానాలలో ప్రవేశపెట్టుకుని వారంతా సమయమిచ్చి వారి వారి ప్రాంతాలలో , తిరగగలిగేలా, ఉద్యమ విస్తరణకు పెద్ద పీట వేసేలా ఉత్తేజపరచాలి. పనే పదవికి కొలమానం అన్న సూత్రాన్ని ఖచ్చితంగా అమలు పరచాలి.

(3) ఎక్కడికక్కడ మరిన్ని సంస్ధలను కూడగట్టుకుంటూ, సమాజం నుండి క్రొత్త వ్యక్తుల్ని ఉద్యమంలోనికి చేర్చుకుంటుండాలి.

(4) ప్రజాప్రతినిధుల స్ధానంలోనికి, పాలన నిర్వహణ భాగాలలోనికి  మంచివ్యక్తుల్ని ప్రవేశపెట్టుకోడమే అసలు సిసలు పరిష్కారమార్గం. ఆపని చేయగల సాధికారత పౌరులకు ఏర్పడేలా వారిని తట్టిలేపి, చైతన్య పరచాలి.

(5) ఎక్కడికక్కడ ఏ విషయంలో చూసినా కనీస స్ధాయిలో మాత్రమే ఉంటున్న మహిళలనూ చైతన్య పరచి ప్రజాఉద్యమ నిర్మాణంలో భాగస్వాములను చేయాలి. యువతకూ దిశానిర్ధేశం చేయాలి.

(6) అధికార వికేంద్రీకరణ, చైతన్య వంతులైన ప్రజల పర్యవేక్షణ అన్న రెండూనే సామాజిక సమస్యల కన్నింటికీ ఏకైక పరిష్కారం. అన్న నిజాన్ని గుర్తించి, ప్రజలకూ ఎరుకపరచాలి.

అందరం కలసి, ఏకతాటి పై నిలచి, కొద్ది కాలంపాటు, సర్వశక్తులనూ కూడగట్టుకుని చిత్తశుద్ధితో పని చేయగలిగితే, ఆర్ధిక, సాంఘిక, రాజకీయ ప్రజాస్వామ్యానికి దారులు ఏర్పరచుకోవచ్చు. భావితరానికి వివేకవంతమైన, మంచిమనసున్న వర్తమానతరంగా మనం చేయగల మంచి పని మరోటిలేదు.

ఈ మహాత్కార్యంలో మీరు ఎక్కడెక్కడ ఎంతెంతగా ఇమడగలరో నిర్ణయించుకోండి. పని, పని పని, జ్ఞానపూర్వకమైన స్వచ్ఛందంగా ఇష్టపడి చేసే పనిమంతులు కావాలీనాడు. ఇదిగో నేనున్నానన గల నిజాయితీ, గుండె నిబ్బరము కలవాళ్ళు కలసి రండి.

అభ్యుదయ శక్తుల ముసుగులో వేషధారులూ, సంఘ వ్యతిరేక శక్తులూ ఉద్యమాలలో చొరబడుతున్నారు. అట్టి వారి పట్ల మనమందరమూ అప్రమత్తంగా ఉండవలసి ఉంది.

ఉద్యమం బలంగా ఉండకున్నా అంత ప్రమాదం లేదుగాని, ఉద్యమం అనారోగ్యం పాలైతే మాత్రం అంతా అరిష్టమే. ఇప్పటికే ఉద్యమకారులన్నా, ఉద్యమ సంస్ధలన్నా ప్రజలు విసిగిపోయి ఉన్నారు. నమ్మకాన్ని వదిలేశారు. స్వార్ధపరశక్తులు ఉద్యమాల పేరిట, సేవా సంస్ధల పేరిట కొనసాగుతుండడమే అందుకు కారణం. ఈ రకమైన, మరెన్నోరకాలైన సామాజిక సమస్యలకు ఏకైక పరిష్కారం.

ప్రజలు నిద్రలేచి రాజ్యాంగం అందించిన నిర్ణయాధికారాన్ని, పర్యవేక్షణాధికారాన్ని సమర్ధవంతంగా వినియోగించుకునే పరిస్ధితుల్ని ఏర్పరచుకోవడమే. అందుకొరకు   ఉద్ధేశించిందే మన ఈ ఐక్య వేదిక ఆరంభించిన ప్రజా ఉద్యమం.

కలసిరండి, మరికొందరినీ కలుపుకురండి. అభ్యుదయ శక్తులు సంఘటితం కావడమొక్కటే, అసాంఘిక శక్తులను నిర్మూలించగల ఏకైక మార్గం.

ఇంత పని చేస్తానని చెప్పండి చెప్పినంత పని ఖచ్చితంగా చేయండి. ప్రగల్భాలరాయుళ్ళకు సమాజంలో ఏ నాడూ కొరతలేదు. మాటకు చేతకు పొంతన గల మనుషులే ఈ నాడు మనకు కావలసింది. ఇదిగో నేనున్నానంటూ ముందుకు రాగలరేమో ఆలోచించండి.

ఉద్యమాభినందనలతో

మీ , సమాచార హక్కుప్రచార ఐక్యవేదిక.

మంచి ఉపన్యాసకుడు కావాలంటే ???

మంచి ఉపన్యాసకుడు

1. ఆరంభ సంబోధన :- 1. గౌరవనీయులైన సదస్యులారా, 2. వేదికపైనున్న పెద్దలకు సభాసదులకు, 3. సోదర సోదరీమణులారా, 4. అన్నలారా, తమ్ముల్లారా, అక్కలారా, చెల్లెళ్లారా, 5. యోచనా శీలురౖైెన మిత్రులారా, 6. ఉద్యమబంధువులారా, 7. మిత్రులారా, 8. సహచర మిత్రులారా, 9. అభ్యుదయా కాంకక్షులారా, 10. సభకు నమస్కారం, 11. సభాయైనమ:

వ్యక్తిపరమైన (ఆత్మాశ్రయ) విషయాలు

2. ఎ : సుస్వరం :- మంచి ఉపన్యాసకునికి అవసరమైన వాటిలో సుస్వరం - మంచి కంఠం ఉండటం - మొట్టమొదటిది.

సమాచార హక్కు చట్టం - 2005 : సమాచార ఛైతన్యం కీలకాంశాలు

కీలక అంశాలు

1. ఎప్పటి నుంచి అమలు ?

ఆ ఈ బిల్లును పార్లమెంటు జూన్‌ 15, 2005లో ఆమోదించింది. అప్పటి నుంచి 120 రోజులకు అంటే 12 అక్టోబరు, 2005 నుంచి ఈ చట్టం అమలులోకి వచ్చింది.

2. ఏ ప్రాంతాలకు వర్తిస్తుంది ?

ఆ జమ్ము, కాశ్మీర్‌ మినహాయించి దేశమంతటికి ఈ చట్టం వర్తిస్తుంది.

1) నివేదన - వేదన - నిష్టూరము 2) మంచి ఉపన్యాసకుడివి కాగోరుచున్నావా ?

ముఖ్య గమనిక :

సామాజిక నియంత్రణ స్థానాలలోనికి సుశికక్షుతులు, సామాజిక సృహకలిగిన వారిని ప్రవేశపెట్టాలని సత్యాన్వేషణ మండలి తాత్విక భావజాలంలోని ఒక ముఖ్యమైన భావన. రాజకీయ క్షేత్రము, ప్రభుత్వ నిర్వహణ విభాగము, విద్య, వైద్య రంగాలు, మంచి సమాజం కోసం పాటుపడే రంగాలు, నియంత్రణ స్థానాలలోనూ కీలకమైనవి. అందులోనూ పాలన, నిర్వహణ, ప్రజా చైతన్య క్షేత్రాలు అత్యంత కీలకమైనవి. కనుక ఆ మూడు స్థానాలలోకి సామాజిక సృహ, కార్యదక్షత కల వ్యక్తుల్ని ప్రవేశ పెట్టాలన్న పనిపెట్టుకుంది సత్యాన్వేషణ మండలి. ఐక్య మిత్రమండలి లోని కొందరు అనుభవజ్ఞులు కూడా దీని అవసరాన్ని గుర్తించి ఈ విషయంలో కొంత కృషిచేద్ధాం అన్న నిర్ణయానికి వచ్చారు. ముందుగా నిర్వహణ భాగంలోకి కొందరిని సిద్ధం చేద్దాం అనుకోవడం జరిగింది. ఆ పనిలో భాగంగా ఉద్యమ కుటుంబాల నుండి అంటే మన పిల్లల్నే సివిల్స్‌ పరీక్షలకు సిద్ధం చేద్దామనుకున్నాము.

సమాచార హక్కు ప్రచార ఐక్య వేదిక కార్యక్రమాల వివరాలు

సమాచార హక్కు ప్రచార ఐక్యవేదిక :

యోచనాశీలురైన పాఠక మిత్రులారా ! ఐక్యవేదిక ఆచరణ విభాగపు తీరుతెన్నులు యథాతధంగా చెప్పుకోవాలంటే సంతృప్తి- అసంతృప్తుల మేళవింపుగా వున్నాయి. మొత్తంమీద పరిస్థితిని సవిూక్షిస్తే దాని దిశా గమ్యం నిరాశ వైపుకు గాక, ఆశావిధంగానే సాగుతుందనిపిస్తోంది. పురిటి నొప్పుల నదిగమించి ఉనికిలోకి వచ్చిన ఈ మన వేదిక నిజానికి మరికొన్ని బాలారిష్టాల్నుండి బయటపడాల్సి ఉన్నా, వివిధ సంస్థలు, వివిధ సామాజిక లక్ష్యాలు గల ఎందరితోనో కూడివున్న ఈ ఐక్యవేదిక ఈపాటైనా చైతన్యవంతంగా వుండటం చిన్న విషయమేమీ కాదు. పట్టు సడలకుండా ఒక్కో ఆటంకాన్ని దాటుకుంటూ క్రమంగా వేగాన్ని పుంజుకుంటూ సాగుతోంది అన్న నిజం ఐక్యవేదికల అవసరాన్ని గుర్తించిన వారందరకు ఆనందాన్నిస్తోంది. ఆమేరకు అభ్యుదయ కాంక్షగల మీరూ ఈ సంతోషాన్ని పంచుకోండి.

సమాచారహక్కు చట్టాన్ని వినియోగంలోకి తేవడానికై....

సమాచారహక్కు చట్టాన్ని వినియోగంలోకి తేవడానికై....
1) ఐక్యవేదికగా ఉద్యమనిర్మాణం చేయాలి. 1 సం||పాటు పూర్తి సమయాన్నివ్వగలవారిని ఉద్యమ నిర్మాణ మరియు చాలక మండలిగ ఏర్పరచుకోవాలి.
2) ప్రచార విభాగాన్ని ఏర్పరచుకుని, వారికి అవగాహన, కుశలతల నలవరచడానికై శిక్షణ కేంద్రాన్ని ఆరంభించుకోవాలి. మొత్తమ్మీద 200 మందిని ప్రసంగీకులుగ మలచుకుని ప్రచారంలో వినియోగించాలి. అందుకు తగిన ప్రచార సాధనాలను సిద్ధంచేసుకోవాలి.